काठमाडौं- इंग्लिस प्रिमियर लिग फुटबलमा इभर्टनले लेस्टरलाई साथै वेस्ट ह्यामले चेल्सीलाई हराएसँगै नयाँ सिजन युरोपियन प्रतिस्पर्धामा स्थान बनाउने टिमहरुबीच कडा टक्कर देखिने भएको छ।
बुधबार राति भएको खेलमा ४२औँ मिनेटमा विलियनको गोलबाट चेल्सीले अग्रता बनाएको भए पनि त्यसको पाँच मिनेटपछि नै सोचेकको गोलमा वेस्ट ह्यामले बराबरी गोल गर्यो। ५१औँ मिनेटमा एन्टोनिनोको गोलमा वेस्ट ह्यामले अग्रता बनायो। ७२औँ मिनेटमा विलियनले नै चेल्सीका लागि बराबरी गोल गरेका थिए।
विलियनको दोस्रो गोलले बराबरीमा आएपछि पनि चेल्सी सम्हालिन सकेन। वेस्ट ह्यामका लागि यारमोलेन्कोले खेलको ८९औँ मिनेटमा गोल गर्दै ३–२ को जित दिलाए।
जितसँगै १६औँ स्थानमा रहेको वेस्ट ह्यामको ३२ खेलमा ३० अंक रहेको छ। वेस्ट ह्यामसँगको हारले चेल्सी भने समस्यामा पर्ने खतरा छ। चेल्सीको ३२ खेलमा ५४ अंक छ। चौथो स्थानमा रहेको चेल्सीभन्दा तल म्यानचेस्टर युनाइटेड र वुल्भ्स दुवै टिमको ५२ अंक रहेको छ।
यस्तै इभर्टनले लेस्टर सिटीलाई २–१ ले हराएको छ। खेलको १०औँ मिनेटमा रिचार्लिसनको गोलमा इभर्टनले अग्रता बनाएको थियो। त्यसपछि १६औँ मिनेटमा पाएको पेनाल्टीमा सिगार्डसनले गोल गर्दै इभर्टनको अग्रता दोब्बर बनाए। लेस्टरका लागि इयान्चोले ५१औँ मिनेटमा गोल गरे पनि हार टर्न सकेन।
जितसँगै इभर्टन ११औँ स्थानमा उक्लिएको छ। इभर्टनको ३२ खेलमा ४४ अंक रहेको छ। तेस्रो स्थानमा रहेको लेस्टरको ३२ खेलमा ५५ अंक रहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
