काठमाडौं- सरकारी कर्मचारीलाई सिंहदरबार प्रवेशमा कडाइ गरिएकाे छ। निजामती विधेयक संसदको राज्य व्यवस्था तथा सुशासन समितिबाट पारित भएको विरोधमा कर्मचारीहरु आन्दोलनमा उत्रिएपछि सिंहदरबार प्रवेशमा कडाइ गरिएको हो।
विधेयक वृत्तिविकास विरोधी रहेको भन्दै नायब सुब्बा तहका सरकारी कर्मचारी विरोधमा उत्रिएका हुन्। सिंहदरबार प्रवेश गर्ने प्रत्येक व्यक्तिको शरीर जाँच गरिएको छ। स्कुटीमा सवारहरुलाई त्यसको डिकीसमेत खोल्न लगाइएको छ।
कर्मचारी संघ/संगठनले पनि विरोधको तयारी गरेपछि यसैलाई मध्यनजर गरेर सिंहदरबार प्रवेशमा कडाइ गरिएको हो। मंगलबार सिंहदरबार परिसरमै नायब सुब्बा तहका कर्मचारीले आन्दोलन गरेका थिए। विरोधमा 'निजामती सेवामा नासु बचाउ अभियान' र निजामती सेवाका राजपत्र अनंकित कर्मचारीहरू सहभागी छन्। राप तृतीय श्रेणी (शाखा अधिकृत) सरहको पदपूर्तिमा ५० प्रतिशत खुला, ३० प्रतिशत बढुवा र २० प्रतिशतमा आन्तरिक प्रतिस्पर्धाको व्यवस्था हुनुपर्ने उनीहरुको माग छ।
यसैबीच गृह सचिव महेश्वर न्यौपानेकाे आग्रहमा कर्मचारीहरुले आजकाे आन्दाेलन स्थगित गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
