प्रतीकात्मक फोटो
काठमाडौं- रुपन्देहीको एक गंगादेवी पशुर्फाममा कार्यरत पाँच जनाको सामूहिक हत्या गरेको आरोपमा एक युवक पक्राउ परेका छन्।
पक्राउ पर्नेमा सुर्खेत घर भई सोही फार्मममा कार्यरत ३१ वर्षीय झकेन्द्र सिंजाली रहेको प्रदेश ५ का डिआइजी रवीन्द्र धानुकले जानकारी दिए।
ती युवकलाई उक्त फार्म भन्दा केही पर नसामा लट्ठिएर बसेको अवस्थामा फेला पारिएको धानुकले नेपाल लाइभलाई जानकारी दिए। हत्या गरिएका पाँच जनामध्ये सोही फार्ममा काम गर्ने ४ पुरुष र एक महिला छन्।
हत्या आरोपमा पक्राउ परेका व्यक्ति समेत नशामा लठ्ठिएको अवस्थामा फेला परेकाले उनले नशालु पदार्थ खुवाएर हत्या गरेको हुनसक्ने प्रहरीले आशंका गरेको छ।
घटनास्थलमा नसालु पदार्थ र र बियरका बोतल समेत भेटिएका छन्।
एक महिलाको समेत हत्या भएकाले उक्त घटना केटीको विषयमा विवाद हुँदा भएको हुनसक्ने भन्दै त्यसतर्फ पनि अनुसन्धान हुने डिआइजी धानुकले जानकारी दिए। घटनाको अनुसन्धानका लागि एसएसपी राजकुमार वैदवारको टोली घटनास्थलतर्फ गइसकेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
