काठमाडौं- पूर्व राजपरिवारका सदस्यमध्ये पारस र हिमानी शाहकी छोरी पूर्णिका सामाजिक सञ्जालमा निक्कै सक्रिय छिन्। फेसबुकमा कहिलेकाँही फोटोहरू पोस्ट गर्ने उनी इन्स्टाग्राममा भने निक्कै सक्रिय हुँदै आएकी थिइन्। पछिल्लो समय उनी टिकटकमा पनि सक्रिय हुन थालेकी छिन्।
टिकटकमा उनी आफूमात्रै उपस्थित भएकी छैनन्। सामाजिक सञ्जालमा प्रायः औपचारिक रुपमा उपस्थित हुँदै आएकी पूर्व युवराज्ञी हिमानी शाहलाई पनि ल्याएकी छिन्। हालै टिकटकमा @purnikarlds को रुपमा उपस्थित भएकी छिन्। टिकटकमा उनी आफूसँगै आमा हिमानी र बहिनी कृतिका शाहलाई समेत गुराँसको फेदमुनी बोलको गीतमा नचाएकी छिन्।
दुवै छोरीहरूसँगै कम्मर मर्काउँदा हिमानी खुसी देखिएकी छिन्। पूर्णिकाले आमा हिमानी र बहिनी पूर्णिकासँगै अर्को टिकटक क्लिप समेत बनाएकी छिन्। टिकटकमा कान्छी छोरी कृतिका पनि सक्रिय छिन्। उनी @kriii_shah मार्फत टिकटकमा सक्रिय छिन्। उनले पनि आमा र दिदीसँग नाचेको क्लिप राखेकी छिन्।
पूर्व राजपरिवारका सदस्यमध्ये पारसका टन्नै क्लिपहरू भेटिन्छन्। उनी टिकटकमा सक्रिय सोनिका रोक्कासँग नजिक भएसँगै टिकटकमा देखिन थालेका थिए। फेसबुकमा सक्रिय रहेका पारसको टिकटकमा आफ्नै खाता भने छैन।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791448938.png)
-1786602170.png)
-1791388337.png)
