विद्युतीय गाडीमा लगाइएको भन्सारप्रति नाडाको विरोध

अटो

नेपाल लाइभ आइतबार, जेठ १८, २०७७ १९:३९

काठमाडौं- विद्युतीय सवारी साधनमा भन्सार दर बढाइएको भन्दै अटोमोबाइल्स व्यवसायीहरुले विरोध जनाएका छन्। अटोमोबाइल व्यवसायीहरूको छाता संगठन नाडा अटोमोबाइल्स एसोसिएसन अफ नेपालले आइतबार पत्रकार सम्मेलन गरी सरकारले बजेटमार्फत् विद्युतीय सवारी साधनमा भन्सार दर बढाएको भन्दै विरोध जनाएको हो।

नाडाका अध्यक्ष कृष्णप्रसाद दुलालले सरकारको दोहोरो र अनिश्चित मापदण्डबाट विद्युतीय सवारी साधनको व्यवसायमा संलग्न व्यवसायीहरूको लगानी डुब्ने खतरा रहेको बताए।

यसअघि सरकारले विद्युतीय सवारी साधनको प्रयोगलाई प्रोत्साहन गरेपछि व्यवसायीहरूले लगानी बढाएको अवस्थामा फेरि पेट्रोलियम सवारी साधनहरुमा जस्तै कर लगाउँदा सवारी साधनको मूल्य महँगो पर्न जाने भएकाले व्यवसायीहरुको लगानी डुब्ने खतरा रहेको उनले बताए।

उनले कर बढाउँदा सवारी साधनको मूल्य बढ्ने र उपभोक्ताले प्रयोग गर्न नसक्ने हुने भएकाले व्यवसायीहरूको लगानी डुब्ने उल्लेख गरे।

'विद्युतीय सवारीको कर बढाउँदा मूल्य बढ्ने र विद्युतीय सवारी साधन कसैले पनि प्रयोग नगर्ने भएकाले विद्युत खपत पनि कम हुनेछ,' उनले भने, 'देश भित्र उत्पादित विद्युत खपत बढाउनका लागि पनि विद्युतीय सवारी साधनमा कर वृद्धि घातक छ।'

कोरोना भाइरस रोकथामका लागि लामो समय लकडाउन गरिदा उद्योग व्यवसाय उठ्नै नसक्ने अवस्थामा पुगेको भन्दै अर्थतन्त्रलाई जोगाउन लकडाउन खोल्नुपर्ने उनले बताए। स्वास्थ्य सुरक्षाका मापदण्ड पालनामा कडाई गर्दै व्यवसायिक कारोबारलाई सञ्चालनमा ल्याउन आवश्यक रहेको उनको भनाइ छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

पूर्वप्रधानमन्त्री शेख हसिनाको अवामी पार्टीलाई प्रतिबन्ध

सङ्घीय लोकतान्त्रिक गणतन्त्रलाई संस्थागत गर्नुपर्छ : उपेन्द्र यादव

बिहेमा खाजा खाँदा जन्तीसहित एक सय बढी बिरामी