पिआइएको जहाज दुर्घटनापछि कराची विमानस्थल नजिक निस्किएको धुँवाको मुस्लो।
एजेन्सी- पाकिस्तानको कराची विमानस्थल नजिकै पाकिस्तान इन्टरनेसनल एयरलाइन्सको दुर्घटना भएको विमानमा ९९ जना सवार रहेको खुलेको छ।विमानमा चालकदलका ८ सदस्यसहित ९९ जना जना सवार रहेको पाकस्तानी पाकिस्तान इन्टरनेसनल एयरलाइन्सका प्रवक्ताले डाउनलाई जानकारी दिएको भन्दै समाचार प्रकाशन गरिएको छ। एयरबस ए ३२० पि के ८३०३ ले दिउसो १ बजे लाहोरबाट कराची विमानस्थलका लागि उडान भरेको थियो।
कराची विमानस्थलमा अवतरण गर्ने तयारीमा रहेको जहाज दुर्घटना भएर बस्तीमा खसेको बताइएको छ। विमान अवतरण हुनै लाग्दा कालो धुवाँ निस्किएको प्रत्यक्षदर्शीले बताएका छन्।
पाकिस्तान सरकारका तर्फबाट अहिलेसम्म घाइते हुने र मृत्यु हुनेहरूको कुनै सूचना सार्वजनिक गरिएको छैन। पाकिस्तानमा कोरोना भाइरसका कारण लगाइएको लकडाउन खुल्ला गरेपछि हवाई उडान सुरु भएको थियो। विमान रिहाइशी क्षेत्रको मोडल कोलनीमा खसेको बताइएको छ।
यो विमानस्थल नजिकैको क्षेत्र हो। क्षतिको विवरण प्राप्त हुन बाँकी छ।
पाकिस्तानको तेस्रो ठूलो दुर्घटना
हवाई दुर्घटनाको तथ्यांक राख्ने संस्था एयर क्राफ्ट क्र्यास रेकर्डका अनुसार पाकिस्तानमा ८० भन्दा धेरै विमान दुर्घटना भएका छन्। यसरी भएका दुर्घटनामा एक हजारभन्दा धेरै मानिसले ज्यान गुमाएका छन्। पाकिस्तानमा सबैभन्दा ठूलो दुर्घटना २८ जुलाई २०१० मा भएको थियो। पाकिस्तानको राजधानी इस्लामावादमा भएको यो दुर्घटनामा १५२ जनाले ज्यान गुमाएका थिए। २० अप्रिल २०१२ मा फेरि पनि इस्लामावादमा अर्को ठूलो विमान दुर्घटना भएको थियो। उक्त दुर्घटनामा १२७ जनाले ज्यान गुमाएका थिए।
पाकिस्तानका ठूला १८ विमान दुर्घटना
सन् १९६५ मे २०
पाकिस्तान इन्टरनेशनल एयरलाइन्स (पिआइए)को बोइङ- ७०७ दुर्घटना। दुर्घटना कारिगो विमानस्थलमा भएको थियो। सो दुर्घटनामा १ सय २४ जनाले ज्यान गुमाएका थिए।
सन् १९७० अगस्ट ६
दुर्घटना भएको विमान- पिआइए फोर्कर एफ २७ एयरक्राफ्ट। उक्त दुर्घटना इस्लामावादमा भएको थियो भने ३० जनाले ज्यान गुमाएका थिए।
सन् १९७२ डिसेम्बर ८
पिआइए फोर्कर २७ राहुलपिन्डी स्लामावाद नजिकै दुर्घटना भएको थियो भने २६ जनाले ज्यान गुमाएका थिए।
सन् १९७९ नोभेम्बर २६
पिआइए बोइङ ७०७‚ पाकिस्तानी हजयात्रु ल्याउँदा साउदी अरबको जोधा विमानस्थलमा १ सय ५६ जनाले ज्यान गुमाएका थिए।
सन् १९८६ अक्टुबर २३
पिआइए फोर्कर एफ २७ नामको विमान पेशावरमा दुर्घटना भएको थियो। जसमा १३ जनाले ज्यान गुमाएका थिए।
सन् १९८८ अगस्ट १७
अमेरिकामा बनेको आर्मीको एयरक्राफ्ट वहवालापुरमा दुर्घटना भएको थियो‚ जसमा आर्मीका उच्च अफिसर रुलर जेनेरल मोहम्मद जियउलकह र अमेरिकी राजदुतसहित ३० जनाको निधन भएको थियो।
सन् १९८९ अगष्ट २५
पिआइए फोर्कर विमान‚ ५४ मानिससहितको विमान उत्तर पाकिस्तानमा हराएको र हालसम्म नभेटिएको।
सन् १९९२ सेम्टेम्बर २८
पिआइए एयरबस ए ३०० नेपालमा दुर्घटना भएको थियो‚ जसमा १ सय ६७ जनाको निधन भएको थियो।
सन् २००३ फेब्रुअरी १९
फोर्करको एरफोर्स एफ २७ मा हिमालयन क्षेत्रको नर्थ वेस्टर्नको कोहातमा दुर्घटना भएको थियो‚ जसमा एयरपोर्ट प्रमुख मार्शल मुस्साफ अलि,उनकी श्रीमती र अन्य १५ जनाको मृत्यु भएको थियो।
सन् २००३ फेब्रुअरी २४
कराचीको अरवियन समुन्द्र नजिक चार्टर विमान दुर्घटना भएको थियो‚ जसमा अफगानिस्तानका उद्योगमन्त्री मोहमद मोहमदी, चार अफगानी अधिकारी, चिनियाँ नागरिकहरुको मृत्यु भएको थियो।
सन् २००६ जुलाई १०
पिआइए फोर्कर एफ २७ लाहोरमा दुर्घटना भएको थियो जसमा ४१ जना यात्रुको निधन भएको थियो।
सन् २०१० जुलाई २८
एयरबस ३२१ कराचीमा दुर्घटना भएको थियो जस्मा १ सय ५२ जनाको निधन भएको थियो।
सन् २०१० नोभेम्बर ५
टुइन इन्जिन प्लेन जे एस एयर इटालीयन तेल कम्पनीका कर्मचारी ओसार्ने क्रममा कराचीमै दुर्घटनाग्रस्त भएको थियो‚ जसमा २१ जनाको मृत्यु भएको थियो।
सन् २०१० नोभेम्बर २८
रूसमा बनेको आइएल ७६ कार्गो प्लेन कराचीमै दुर्घटना हुदाँ १२ जनाको निधन भएको थियो।
सन् २०१२ अप्रिल २०
भोजा एयरबस ७३७ स्लामावादमा दुर्घटना हुँदा १२१ जनाको निधन भएको थियो‚ जसमध्ये ६ जना चालकदलका सदस्य थिए।
सन् २०१५ मई ८
पाकिस्तानको आर्मी हेलिकप्टर दुर्घटना भएको थियो जसमा ८ जनाको मृत्यु भएको थियो।
सन् २०१६ डिसेम्बर ७
पिआइए एआरटी ४२ एयरक्राफ्ट स्लामावादमा दुर्घटना भएको थियो‚ जसमा ४८ यात्रुको निधन भएको थियो।
सन् २०२० मे २२
पिआइएको विमान कराची विमानस्थलमा दुर्घटना हुँदा ९० जनाको मृत्यु भएको थियो‚ जसमा ८ जना क्रु मेम्बरसमेत थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789010467.jpg)
-1786602170.png)
-1789631269.jpg)
