काठमाडौं- जर्मन दोस्रो डिभिजनको क्लब डायनामो ड्रेसडेनका दुई जनामा कोरोना भाइरस (कोभिड १९) को संक्रमण देखिएको छ। दुई हप्ताअघि दुई खेलाडीमा संक्रमण देखिएको क्लबमा अहिले पुन संक्रमण थपिएको हो। जसले पूरै टिम नै आइसोलेसनमा छ।
अहिले थपिएको संक्रमणमा एक खेलाडी र अर्को परीक्षण टिमका सदस्य रहेको बताइएको छ। शनिबारदेखि बाँकी रहेका खेलाडीमार्फत अभ्यास गर्ने तयारीमा क्लब लागेको भए पनि अहिले मुस्किल देखिएको छ।
बुन्डेस लिगासँगै बुन्डेस लिगा टू पनि गएको शनिबार नै सुरु भएको हो। जुन युरोपमा कोरोना भाइरस (कोभिड १९) को माहामारीपछि सुरु भएको पहिलो लिग हो। तर खेलाडीमा नै पुनः संक्रमण देखिएपछि त्यसको असर अन्य लिगमा पनि पर्ने बताइएको छ।
लिग सुरु भए पनि आफ्ना खेलाडी आइसोलेसनमा रहेकाले डायनामो ड्रेसडेनले खेल खेल्न सकेको छैन। अहिले क्लबले आवश्यक सुरक्षाका सबै उपाय अपनाइरहेको छ। बुन्डेस लिगाका खेलमा पनि स्वास्थ्य सुरक्षाका लागि सबै उपाय अपनाएर खेल भइरहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1769517261.png)
-1764146706.png)
