काठमाडौं- चलचित्र विकास बोर्ड अध्यक्ष पदको लागि १० जनाले आवेदन दिएका छन् । अध्यक्ष पदमा भुवन केसी, दयाराम दाहाल, भगवती कुमारी मैनाली उप्रेती, राजेश थापा, अर्जुन कुमार डंगोल, ध्यान बहादुर राई, परशुराम चौधरी, सोहित मानन्धर, राजेन्द्र कुमार उप्रेती र दिपक श्रेष्ठले आवेदन दिएका हुन्।
सञ्चार तथा सूचना प्रविधि मन्त्रालयले चलचित्र विकास बोर्डको अध्यक्षको रिक्त पदका लागि मागेको आवेदनको अन्तिम समय मंगलबारसम्म थियो। मंसिर ३० मा बोर्डका अध्यक्ष केशव भट्टराईको निधन भएपछि बोर्डको अध्यक्ष पद रिक्त थियो।
व्यवसायिक कार्ययोजना, प्रस्तुतीकरण र अन्तर्वार्ताको आधारमा अध्यक्ष चयन हुने भनिएपनि बोर्डमा राजनीतिक निकटताका आधारमा नियुक्ति हुँदै आएको छ। आवेदन दिएसँगै अध्यक्षका दावेदार‚ नेकपाका नेताहरुलाई आफ्नो पक्षमा लागिदिन आग्रह गर्न सक्रिय छन्।
१० जनाको आवेदन परे पनि निर्देशक दाहाल र नायक केसी बलिया दावेदार देखिएका छन्। दाहाल नेकपा निकट जनपक्षीय चलचित्रकर्मी संघका आधिकारीक आवेदक हुन्। केसी तत्कालीन एमालेबाट समानुपातिक सूचीमा परेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791545631.png)
-1786602170.png)
