क्वालालम्पुर– मलेसियास्थित नेपाली दूतावासले बुधबारदेखि सेवा सुरु गर्ने भएको छ। लकडाउनका कारण लामो समयसम्म बन्द रहेको राहदानी नवीरकण तथा हराएको राहदानी बनाउनुपर्ने सम्बन्धमा आवेदन लिने लगायतका सेवा सुचारु गर्ने भएको हो।
तयार भइसकेका राहदानी पनि लिन सकिने छ। राहदानी लिनका लागि नागरिकता र बील साथमा लानुपर्ने छ। राहदानी नवीकरणका लागि मलेसियन रिंगेट २१० र हराएको राहदानी नयाँ बनाउनका लागि ४२० रिंगेट शुल्क लाग्ने दूतावासले जनाएको छ।
दूतावास जाँदा मास्क अनिवार्य लगाउनुपर्ने छ। तत्काल स्वदेश फर्किनुपर्ने अवस्थाका श्रमिकहरुलाई यात्रा अनुमति पत्र (ट्राभल डकुमेन्ट) प्रदान गरिने दूतावासले जनाएको छ।
थप जानकारीका लागि बिहान १० बजेदेखि साँझ ५ बजेको समयमा दूतावासको फोन नम्बर ०३–२०२०१८९८ वा ०३–२०२०१८९९ सम्पर्क गर्न दूतावासले आग्रह गरेको छ। दूतावासको हटलाइन नम्बर ०१६–२४७२७७७ मा पनि सम्पर्क गर्न सकिने छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791822485.png)
-1786602170.png)
