काठमाडौं- छायाँ सरकारी श्रम, रोजगार तथा सामाजिक सुरक्षामन्त्री डा डिला संग्रौलाले विदेशमा ज्यान गुमाएका नेपालीको अलपत्र शव तत्काल स्वदेश ल्याउन माग गरेकी छन्।
सांसद तथा नेपाली कांगेसकी नेतृ संग्रौलाले संसदको शून्य समयमा बोल्दै सो माग राखेकी हुन्।
‘अहिले दुःखद निधन भएका एक सयभन्दा बढी नेपालीहरुका शव विदेशमा अलपत्र छन्। उनीहरुका परिवार, आफन्त ‘कि सास देउ, कि लास देउ’ भनेर पर्खिरहेका छन्। उल्टै नेपाल सरकारले शव विदशेमै अन्त्येष्टि गर्ने अनुमति दिन परिवारलाई पचास हजार रूपैयाँ राहत दिने भनेको छ, जसले उनीहरुको भावना माथि ठेस पुगेको छ‚’ सांसद संगौलाले भनिन्।
रोजगारी गुमाएर हजारौं नेपाली श्रमिकहरु खाडीलगायतका मुलुकबाट स्वदेश फर्किन पर्खिरहेको र उनीहरुलाई विशेष विमान पठाएर सरकारले उद्धार गर्नुपर्ने सांसद संग्रौलाले जोड दिइन्।
त्यस्तै नेपाल, भारत सीमामा आइपुगेका, गत केही दिनदेखि भोकै, प्यासै रहेका नेपालीहरुलाई सयौं नेपालीहरुलाई ससम्मान स्वदेश भित्र्याएर नेपाल प्रहरी, सेना र स्वयंसेवकहरु परिचालन गरी होटेल, स्कुल, कलेजहरुमा क्वारेन्टाइनमा राख्ने प्रबन्ध गर्न र स्वास्थ्य परीक्षणपछि मात्रै घर, परिवारमा जान दिन माग गरिन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791271370.png)
-1786602170.png)
