एजेन्सी–बेलायती प्रधानमन्त्री बोरिस जोन्सनले मानिसहरुले बढी समय घरबाहिर बिताउन पाउने गरी लकडाउन खोल्ने शर्तसहितको योजना सार्वजनिक गरेका छन्। घरबाट काम गर्न नसक्नेले कार्यालय जान सक्ने तर सार्वजनिक यातायात प्रयोगबाटै परै रहनुपर्ने उनले बताएका छन्।
पाँच चरणसहितको नयाँ कोभिड अलर्ट सिस्टम योजनाले लकडाउन प्रतिबन्ध कति चाँडो हट्ने भन्ने तय हुने प्रधानमन्त्री जोन्सनको भनाइ छ। उनले चाँडोमा १ जुनसम्ममा बेलायतमा प्राथमिक तहका बालबालिकाहरु स्कुल फर्कने आशा गरेका छन्।
देशबासीलाई सम्बोधन गर्दै जोन्सनले नयाँ योजनाको अर्काे चरणमा पसलहरु पनि खुल्ने बताएका छन्। तर त्यसका लागि योजनाअनुसार काम हुनुपर्ने उनको भनाइ छ। अर्को चरणमा होटल तथा अन्य केही सार्वजनिक क्षेत्रलाई खुला गरिनेछ। तर यो पनि १ जुलाईभन्दा अगाडि सम्भव नहुने उनले बताएका छन्।
उनले समाज खुला गर्ने यो प्राथमिक चरणको कदम भएको उल्लेख गर्दै भनेका छन्, ‘यो लकडाउन खुला गर्ने समय होइन, तर हामीले हाम्रा मापदण्ड परिवर्तन गर्न सावधानीपूर्वक पहिलो कदम चालेका हौं।’ बेलायतले सोमबार लकडाउनसम्बन्धी निर्देशिका सार्वजनिक गर्दैछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786622145.jpg)
_XAsUsbrNQj-1786958464.jpg)
-1786602170.png)
-1786513116.png)
