काठमाडौ- आप्रवासी कामदारहरुले दक्षिण कोरियामा स्वेच्छाले रोजगारदाता परिर्वतन गर्न पाउनुपर्ने माग राखेका छन्।
आइतबार प्रवासी श्रमिक युनियन (एमटियु) केसिटियुलगायत श्रम संगठनले स्वेच्छाले रोजगारदाता परिर्वतन गर्न पाउनुपर्नेलगायतका माग राख्दै पत्रकार सम्मेलन गरेका हुन्।
कोरियाली सरकारले रोजगार अनुमति प्रणाली खारेज गरी कामदार अनुमति प्रणाली लागू गर्नुपर्ने र आम मजदुरको हकअधिकार सुनिश्चित हुनुपर्ने भन्दै पत्रकार सम्मेलन गरिएको एमटियुका अध्यक्ष उदय राईले बताए।
‘खाने बस्नेसम्बन्धी निर्देशिका खारेज हुनुपर्ने, थेकिजकगुम कार्यस्थलमै पाउनुपर्ने तथा कृषि क्षेत्रका श्रमिकहरुलाई भेदभाव गर्ने श्रम कानुनको धारा ६३ खारेज गर्नुपर्ने माग राख्दै पत्रकार सम्मेलन गरिएको हो‚’ अध्यक्ष राईले भने।
त्यस्तै श्रमिकहरुले आफूहरुमाथि गरिने भेदभाव अन्त्य गर्नुपर्ने र कृषि क्षेत्रबाट उत्पादन क्षेत्रमा काम परिवर्तन गर्न पाउनुपर्ने माग राखिएको उनको भनाइ छ। त्यस्तै श्रमिकहरुको उमेर हद हटाइनुपर्ने तथा परिवार ल्याएर बसोबास गर्न पाउनुपर्ने श्रमिकहरुको अडान छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768291693.png)
-1768288990.png)
-1764146706.png)
