एजेन्सी- अमेरिकाको रोग नियन्त्रण तथा बचाउ केन्द्रले घर बाहिर निस्कदा सबै अमेरिकाबासीलाई मास्क लगाउन आग्रह गरेको छ। तर अमेरिकी राष्ट्रपति डोनाल्ड ट्रम्प भने यो अनुरोध स्वेच्छिक भएको र आफू मास्क नलगाउने बताएका हुन्।
अमेरिकामा कोरोना भाइरस संक्रमितको संख्या बढेपछि केन्द्रले यस्तो आग्रह गरे पनि राष्ट्रपति आफैंले यो नमान्ने बताए। 'मास्क लगाउनु‚ यो स्वेच्छिक विषय हो। यो गरे पनि हुन्छ, नगरे पनि हुन्छ' कोरोना भाइरसबारे जानकारी दिन आयोजित नियमित प्रेस ब्रिफिङमा उनले भने‚ 'यो आग्रह हो अनिवार्य हैन‚ त्यसैले म मास्क नलगाउने निर्णयमा पुगेको छु।'
न्यूयोर्क टाइम्सका अनुसार केन्द्रले राष्ट्रपति ट्रम्पलाई बारम्बार सामान किन्न बाहिर निस्कँदा या सामान किन्न जाँदा अनिवार्य रुपमा मास्क लगाएर वा अन्य कपडाले आफ्नो मुख ढाक्न अमेरिकीबासीलाई आग्रह गर्न अनुरोध गर्दै आइरहेको छ। तर ट्रम्प आफैं यसलाई अनिवार्य गर्ने पक्षमा देखिएका छैनन्।
उनी सार्वजनिक कार्यक्रमहरुमा मास्क नलगाई देखिने गरेका छन्। पछिल्लो समय अमेरिका सबैभन्दा धेरै कोरोना भाइरसको संक्रमित भएको देशको सूचीमा पुगिसकेको छ। अमेरिकोको ६० स्टेटमा कोरोनाको संक्रमण पुगिसकेको छ भने न्युयोर्क सहरमा सबैभन्दा धेरै संक्रमित फेला परेका छन्।
विश्व स्वास्थ्य संगठनका अधिकारीहरुले केही दिनअघि कोरोना भाइरसको संक्रमणमा परे या संक्रमित नजिक जानुपर्ने या सम्पर्कमा रहनुपर्ने अवस्थामा मात्र मास्क लगाउन आग्रह गर्दै सबैले माक्स लगाउन नपर्ने बताएकोा थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
