नयाँ दिल्ली- धार्मिक भावनामा चोट पुग्ने टिप्पणी गरेको आरोपमा विवादमा तानिएका तीन बलिउडकर्मीलाई भारतीय उच्च अदालतले राहत दिएको छ। पञ्जाव र हरियाणा उच्च अदालतले उनीहरुविरुद्ध कारबाही अघि नबढाउन आदेश दिएको छ। बलिउड अभिनेत्री रविना टन्डन, फिल्म निर्माता फराह खान र कमेडियन भारती सिंहलाई पक्राउलगायतका कार्य नगर्न उच्च अदालतले राज्य सरकारको नाममा आदेश गरेको हो।
‘ब्याक बेन्चर्स’ नामक एक शोमा उनीहरुले धार्मिक भावनामा ठोस पुग्नेगरी टिप्पणी गरेको भन्दै प्रहरी कार्यालयमा किटानी जाहेरी दर्ता भएको थियो। किटानी जाहेरीका आधारमा मुद्दा नै दर्ता भएपछि उनीहरु अदालत पुगेका थिए।
१९ अक्टुबर २०१९मा रिलिज भएको उक्त शो फराह खानले सञ्चालन गरेकी थिइन्। ३० नोभेम्बरमा भएको एक कार्यक्रममा उनीहरुले हलिलुजाह शब्दको गलत प्रयोग गरेको भन्दै महाराष्ट्रमा मात्र १३ वटा जाहेरी दर्ता भएको थियो।
रविना र भारतीले गलत रुपमा हलिलुयजस्ता शब्दलाई गलत अर्थसँग तुलना गरेको आरोप थियो। पञ्जाव र हरियाणा उच्च अदालतले सूचना जारी गर्दै उनीहरुविरुद्ध कुनै पनि कदम नचाल्न भनेको हो। उच्चले २५ मार्च २०२० सम्म कुनै कारबाही नगर्न भनेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788705448.jpeg)
-1786602170.png)
