काठमाडौं- एसिसी टी २० पूर्वी क्षेत्रीय छनोट प्रतियोगितामा एक खेल बाँकी छँदै नेपालको सम्भावना सकिएको छ। मलेसिया र हङकङसँग लगातार दुई खेल हारेको नेपालले थाइल्याण्डलाई ९ विकेटले हराएको थियो। तर सिंगापुरले हङकङलाई हराएसँगै नेपालको अगाडि बढ्ने सम्भावना सकिएको हो।
बुधबार भएको खेलमा सिंगापुरले हङकङलाई १६ रनले हराएको हो। १ सय ६९ रनको लक्ष्य पछ्याएको हङकङले पूरा २० ओभर खेल्दै १ सय ५२ रन मात्र बनाउन सक्यो। हङकङविरुद्धको जितसँगै सिंगापुरको ३ खेलमा ६ अंक भएको छ। सिंगापुरको अन्तिम खेल नेपालसँग नै छ।
यस्तै अन्तिम खेलमा मलेसिया र हङकङ खेल्नेछन्, जसमा विजेता टिमको ६ अंक नै हुनेछ। मलेसिया र हङकङ दुवै टिमको अहिले ३ खेलमा ४ अंक रहेको छ।
सिंगापुर अघिल्लो चरणमा पुग्ने पक्का भएसँगै मलेसिया र हङकङबीचको विजेता टिम पनि अघिल्लो चरण पुग्नेछ। जहाँ अन्तिम खेलमा सिंगापुरलाई हराए पनि नेपाल बाहिरिने पक्का भएको छ।
च्याम्पियन सपना लिएर थाइल्यान्ड पुगेको नेपाली क्रिकेट टिम लगातारको दुई हारले अन्य टिमको नतिजामा निर्भर हुन बाध्य भएको थियो। जुन नेपालका लागि फाइदाजनक भएन। थाइल्याण्ड जानुअघि विजेता बनेर फर्कने योजना सुनाएको नेपाली टिम यसपटक कमजोर टिमसँग हार्न पुगेको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791950786-1793201567.png)
-1786602170.png)
