सन् २०१९ मा राज्य पक्षबाटै ७ जनाको हत्या : इन्सेक

नेपाल लाइभ

नेपाल लाइभ बुधबार, फागुन ७, २०७६ १९:११

काठमाडौं- सन् २०१९ मा राज्य पक्षले नै ७ जनाको हत्या गरेको तथ्यांक अनौपचारिक क्षेत्र सेवा केन्द्र (इन्सेक)ले सार्वजनिक गरेको छ। बुधबार सार्वजनिक सो प्रतिवेदनअनुसार देशका विभिन्न भागमा सरकार पक्षबाटै ७ जनाको हत्या गरिएको उल्लेख छ। राज्यपक्षबाट हत्या गरिएका सबै पुरुष भएको समेत इन्सेकको प्रतिवेदनमा उल्लेख गरिएको छ।

सन् २०१९ मा ३ सय ५८ हत्याका घटना भएको उल्लेख गरेको सो प्रतिवेदनमा अन्य पक्षबाट ३ सय ५१ जनाको हत्या भएको तथ्यांक छ। अन्य पक्षले १ सय ९९ महिलाको हत्या गरेको छ भने १ सय ५२ पुरुषको हत्या भएको छ। सन् २०१८ मा ३ सय २८ जनाको हत्या भएकोमा २०१९ मा ३ सय ५८ जनाको हत्या हुनुले मानवअधिकार उल्लंघन र ज्यादतीका घटना बढेको देखिएको प्रतिवेदनमा उल्लेख छ।

गत वर्ष राज्य पक्षबाट ९ सय ३० वटा मानव अधिकार उल्लंघन भएको समेत समेत सो प्रतिवेदनमा उल्लेख छ। त्यस्तै अन्य पक्षबाट भने ५ हजार ७ सय १२ वटा मानव अधिकार उल्लंघनका घटना भएका छन्।

नेपाल मानव अधिकार पुस्तक अधिकार वर्ष पुस्तकको विमोचन कार्यक्रममा इन्सेकका कार्यकारी निर्देशक विजयराज गौतमले सन् २०१९ मा गोली लागेर भोजपुरमा २, सप्तरीमा १, सर्लाहीमा २, रुपन्देहीमा १ र कपिलवस्तुमा १ गरी सात जनाको मृत्यु भएको बताए।

सोही वर्ष यातनाका घटनाबाट १३ जना पीडित भएका छन्। गिरफ्तारीका घटनामा ७ सय २, जातीय विभेदका घटनामा ६२, अमानवीय व्यवहारका घटनामा ४०, भेला तथा संगठित हुने अधिकारमा ९८ र धम्कीका घटनामा ३५ जना पीडित भएका छैन। त्यस्तै कुटपिटका घटनामा २ सय ७९ जना पीडित भएको इन्सेकले जनाएको छ। यसैगरी ८ जना विस्थापनका घटना र २ जना बेपत्ता पारिएको घटनामा पीडित भएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

‘छक्कापञ्जा ५’ लाई पछ्याउँदै ‘१२ गाउँ’, दुवै चलचित्रले पहिलो सातामै १० करोड रुपैयाँ छुने प्रक्षेपण

साफमा भाग लिन आइपुग्ने माल्दिभ्स बन्यो दोस्रो टोली

सुदूरपश्चिम रोयल्सको प्रमुख मेन्टरमा अस्ट्रेलियाका पूर्वस्पीनर ब्राड हज नियुक्त