काठमाडौं- नेपाली फुटबल टिमले आगामी फागुन १८ गतेदेखि अभ्यास थाल्ने भएको छ।
विश्वकप छनोटको दोस्रो चरणमा चाइनिज ताइपेइविरुद्धको खेलका लागि नेपाली टिमले फागुन १८ देखि अभ्यास थाल्ने भएको हो। शनिबार मात्रै मुख्य प्रशिक्षक योहान कालिनले ३१ सदस्यीय नेपाली टिमको घोषणा गरेका थिए।
नेपालले यहि चैत १३ गते दशरथ रंगशालामा चाइनिज ताइपेइसँग प्रतिस्पर्धा गर्दैछ। त्यसको पाँच दिनपछि अर्थात चैत्र १८ गते अष्ट्रेलियाविरुद्ध दशरथ रंगशालामै नेपालले खेल्नेछ।
नेपाली टिमका कप्तान किरण चेम्जोङ भने प्रारम्भिक चरणमै परेका छैनन्। त्यस्तै, रोहित चन्द पनि अन्तिम ३१ मा अट्न सकेनन्।
नेपाली टिममा विकेश कुथु, विशाल श्रेष्ठ, एलन न्यौपाने, रञ्जित धिमाल, सुमन अर्याल, अमित तामाङ, सरोज दाहाल, अजित भण्डारी र क्षिरिङ गुरुङ छन्। त्यस्तै, विकास खवास, अनन्त तामाङ, देवेन्द्र तामाङ, दिलेन लोक्तान, विशाल राई (बि), सेसेहाङ आङ्दम्बे, तेज तामाङ, विक्रम लामा र सुवास गुरुङले पनि टिममा स्थान बनाएका छन्। मिक्चेन तामाङ, पुजन उपरकोटी, अरिक विष्ट, सुजल श्रेष्ठ, रवि पासवान, सुनिल बल, अञ्जन विष्ट, जर्ज प्रिन्स कार्की, दर्शन गुरुङ, भरत खवास, नवयुग श्रेष्ठ, आशिष लामा र विमल राना प्रारम्भिक ३१ भित्र पर्न सफल भएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764822328.png)
-1764146706.png)
-1763721444.png)
