काठमाडौं- त्रिभुवन अन्तर्राष्ट्रिय विमानस्थल प्रशासनले चिनियाँ राष्ट्रपति सी चिनफिङको आसन्न भ्रमण अवधिभर विमानस्थलमा सकेसम्म कम अवधि 'नोटाम' जारी गर्ने व्यवस्थापन मिलाइदिन चिनियाँ पक्षलाई आग्रह गरेको छ।
राष्ट्रपति सीको शनिबार र आइतबार हुने नेपाल भ्रमणका बेला लामो समयसम्म विमानस्थल प्रभावित हुनसक्ने भन्दै विमानस्थल व्यवस्थापनले चिनियाँ पक्षलाई यस्तो आग्रह गरेको हो।
'भिभिआइपी उडानको आफ्नै नर्म्स हुन्छ, त्यसमा पनि सकेसम्म कम समय नोटाम जारी गर्न सकिने गरी व्यवस्थापन मिलाउन सक्ने विकल्पबारे हामीले छलफल गरी चिनियाँ पक्षलाई जानकारी गराएका छौँ,' विमानस्थल प्रमुख देवेन्द्र केसीले भने।
विमानस्थलको पार्किङ स्थल सानो भएकोले त्यसले थप समस्या ल्याउन सक्ने भन्दै यसबाट उडान/अवतरण सेवा प्रभावित हुनसक्ने जानकारी सम्पूर्ण वायुसेवा प्रदायकलाई गराइसकिएको पनि केसीले जानकारी दिए।
चिनियाँ राष्ट्रपति सी शनिबार दिउँसो काठमाडौं आइपुग्ने कार्यक्रम छ। सी एयर चाइनाको विमानबाट करिब २१ घन्टाका लागि काठमाडौं आउँदैछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1779545841.jpg)
