काठमाडौं- नियमित स्वास्थ्य परीक्षणका लागि एक साताअघि सिंगापुर पुगेका प्रधानमन्त्री केपी शर्मा ओलीको नेपाल फर्किने कार्यक्रम रद्द भएको छ।
पछिल्लो सूचनाअनुसार प्रधानमन्त्री ओली आइतबार(आज) स्वदेश फर्किने कार्यक्रम थियो। तर, अन्तिम समयमा सो तालिका परिवर्तन भएको छ।
प्रधानमन्त्री ओलीको निजी सचिवालयका अनुसार उनी सोमबार दिउँसो नेपाल फर्किने छन्। उपचार नसकिएका कारण आइतबारको कार्यक्रम रद्द भएको बताइएको छ।
सिंगापुर जाने बेला शुक्रबार नै प्रधानमन्त्री ओली स्वदेश फर्किने कार्यतालिका रहे पनि अन्तिम समयमा आएर त्यसलाई आइतबारसम्मका लागि लम्ब्याइएको भएको थियो।
प्रधानमन्त्री ओलीको सिङ्गापुरस्थित नेसनल युनिभर्सिटी अस्पतालमा स्वास्थ्य परीक्षण भइरहेको छ।
स्वास्थ्य परीक्षणका लागि १८ साउनमा सिंगापुर प्रस्थान गरेका ओलीका साथमा उनकी धर्मपत्नी राधिका शाक्य, मुख्य राजनीतिक सल्लाहकार विष्णुप्रसाद रिमाल, निजी चिकित्सक डा दिव्यासिंह शाह, स्वकीय सचिव राजेश बज्राचार्यसहित ९ सदस्य सहभागी छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1784106715.png)
-1764146706.png)
