अनुसन्धान

गोंगबु बसपार्क प्रकरण : कांग्रेसको ध्यानाकर्षण, दोषीलाई कारबाही गर्न माग

हेमन्तराज जाेशी बिहीबार, साउन २३, २०७६ १६:२०

काठमाडौं- नेपाली कांग्रेसले गोंगबु बसपार्कको प्रकरणप्रति गम्भीर ध्यानाकर्षण भएको जनाएको छ। गोंगबु बसपार्कमा कानुन विपरीत महानगर र ल्होत्सेबीच सम्झौता भएका समाचार प्रकाशनमा आएपछि केन्द्रीय कार्यालयमा पत्रकार सम्मेलन गर्दै कांग्रेसले यो प्रकरणमा ध्यानाकर्षण भएको बताएको हो।

'जापान सरकारको सहयोगमा निर्मित बसपार्क शुरुवाती समयमा खुला, आकर्षक र व्यवस्थित थियो। अहिले त्यसभन्दा विपरीत बन्न पुगेको छ,' पत्रकार सम्मेलनमा कांग्रेसले भनेको छ, 'जाइकासँगको सहमति भन्दा बाहिर गएर अनेक संरचना निर्माण गरिएको, १६० रोपनी जग्गा गलत नियतका साथ दुरुपयोग गरिएको विषय गम्भीर छ।'

यसका साथै कागजी वैधानिकताका लागि अख्तियार दुरुपयोग अनुसन्धान आयोगको तत्कालीन नेतृत्वले आयोगलाई अनाधिकृत ढंगले प्रयोग गराएको विषय समेत गम्भीर रहेको कांग्रेसको ठहर छ।