निर्मला हत्या प्रकरण : एसएसपी सुवेदी नेतृत्वको समिति 'अपग्रेड', डिआइजी बस्नेत नयाँ संयोजक

नेपाल लाइभ

नेपाल लाइभ आइतबार, भदौ ३१, २०७५ ०९:२३

काठमाडौं– कञ्चनपुरकी बालिका निर्मला पन्तको बलात्कारपछि हत्या गरिएको घटनाको छानबिन गर्न गठित एसएसपी उत्तम सुवेदीको समितिलाई 'अपग्रेड' गरिएको छ। सो समितिलाई डिआइजी धिरु बस्नेतको संयोजकत्वमा अपग्रेड गरिएको प्रहरी प्रवक्ता शैलेस थापाले जानकारी दिए।

प्रहरी प्रधान कार्यालयले भदौ १४ गते नै सुवेदीको संयोजकत्वमा ५ सदस्यीय छानबिन समिति गठन गरेको थियो। अहिले अपग्रेड गरिएको समितिमा ९ जना सदस्य पुगेका छन्। समितिमा एसएसी सुवेदी र निरजबहादुर शाही लगायतका सदस्य छन्।

सुवेदी नेतृत्वको समितिमा थप सदस्य र विज्ञहरु समेत राखिएको थापाले बताए।

'सुवेदीको संयोजकत्वमा समिति गठन हुँदा डिएनएको रिपोर्ट आइसकेको थिएन, ल्याबमा गएको मात्रै थियो', थापाले भने, 'तर ल्याबको रिपोर्ट आइसकेपछि एक प्रकारले प्रहरीले अनुसन्धानमा लापरबाही गरेको लगभग पुष्टि नै भएको भएर अनुसन्धानमा खटिने सबै प्रहरी कर्मचारीहरुलाई अनुसन्धानमा ल्याउनुपर्छ र छानबिन हुनुपर्छ भन्ने प्रहरी प्रधान कार्यालयको सोच अनुसार पुनर्गठन गरिएको हो।'

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

क्षेप्यास्त्र प्रहारको सन्देश बुझ्न अमेरिकालाई रूसको चेतावनी

बिआरआईमा अनुदान मात्र स्वीकार्यः नेता निधि

सडक फोहोर गरेको भन्दै एमालेलाई महानगरको १ लाख जरिवाना