काठमाडौं– एएफसी कपअन्तर्गत समूह 'ई' को खेलमा नेपालको लिग च्याम्पियन मनाङ मर्स्याङ्दी क्लब र भारतको मिर्नेभा पञ्जावले बराबरी खेलेका छन्। बुधबार एन्फा कम्प्लेक्स सातदोबाटोमा भएको खेलमा मनाङले १० खेलाडीमा सीमित पञ्जावसँग १–१ गोलको बराबरी खेलेको हो।
सुरुवाती २ खेलमा पराजित भएको मनाङ लगातार दोस्रो खेलमा बराबरीमा रोकिएको हो। यता पञ्जावले भने लगातार चौथो खेलमा बराबरी खेलेको हो।
समूह 'ई' मा भारतीय क्लब चेन्नइयीन ७ अंकसहित शीर्ष स्थानमा छ भने बंगलादेशको अवहानी ढाका ४ अंकसहित दोस्रो र पञ्जाव पनि ४ अंक जोडेर तेस्रो स्थानमा छ। मनाङ भने २ अंकसहित पुछारमा छ। मनाङ अझै जितबिहीन छ।
बुधबार सातदोबाटोमा भएको खेलको सुरुवातदेखि नै पञ्जावले मनाङमाथि दबाब बढाएको थियो। आठौं मिनेटमा पञ्जावका स्यामुयल लामुमाउपुइयाको प्रहार बारमा लागेको थियो। १३ मिनेटमा थोइबा सिंहको प्रहार पनि बारमा लाग्दा पञ्जावले अग्रता लिने अवसर गुमाएको थियो।
३८ मिनेटमा स्यामुयलको प्रहारले पनि पोस्टको दिशा लिन सकेन। लगत्तै पञ्जावले अग्रता लियो। उसका लागि थोइबा सिंहले गोल गरे। उनले डिबक्स भित्रबाट गोल गरेका थिए।
.jpg)
४ मिनेट थपिएको पहिलो हाफको इन्जुरी टाइको तेस्रो मिनेटमा पञ्जाव १० खेलाडीम सीमित बन्यो। प्रथिक जोशीलाई रेफ्रीले दोस्रो पहेँलो कार्ड देखाउदै मैदान बाहिर पठाएका थिए।
पञ्जाव पहिलो हाफमा १० खेलाडीमा सीमित बनेपछि दोस्रो हाफमा मनाङले खेल नियन्त्रणमा लियो। तर फिनिसिङमा भने चुकिरह्यो।
४९ मिनेटमा कमल श्रेष्ठको प्रहारलाई पञ्जावका गोलकिपरले विफल पारे। ५९ मिनेटमा अन्जन विष्ट पनि सफल हुन सकेनन्। कमलको क्रसमा अन्जनको हेडर थोरैले बाहिरिएको थियो। ६६ मिनेटमा अर्को अवसरमा अन्जन चुके। अभिषेक रिजालले दिएको पासमा अन्जन गोल गर्न असफल भएका थिए।
.jpg)
८१ मिनेटमा मनाङले खेलमा अग्रता लिन सफल भयो। मनाङका लागि ओलुवासिना अजिजले गोल गरे। कमल श्रेष्ठको क्रसमा उनले डिबक्सबाट गोल गरे। दोस्रो हाफको इन्जुरी टाइममा ओलावाले अफिजको प्रहरलाई पञ्जावका गोलकिपरले विफल पारेपछि मनाङले अग्रता लिने अवसर गुमायो।
.jpg)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
