काठमाडौ- सञ्चार तथा सूचना प्रविधिमन्त्री गोकुलप्रसाद बाँस्कोटाले आधुनिक सञ्चार तथा प्रविधिको पहुँच दुरदराजससम्मका जनताको पहुँचमा पुर्याइने बताएका छन्।
कम्प्युटर एशोसिएशन नेपाल (क्यान) ले आयोजना गरेको सूचना प्रविधिसम्बन्धी मेला ‘सुबिसु क्यान इन्फोटेक’को २५औँ संस्करणको आज उद्घाटन गर्दै मन्त्री बाँस्कोटाले प्रविधिको प्रयोग सहरिया उच्च वर्गले मात्र नभई दुर्गम गाउँका गरिब जनताले उपभोग गर्नेगरी प्रविधिको पहुँचलाई विस्तार गरिने उल्लेख गरे।
'सूचना प्रविधिमा आधारित उद्योग, ज्ञान, सिप र क्षमतालाई सम्पूर्ण तहमा व्यक्ति र संस्था अर्थात् ‘करोडपतिका बीचमा मात्र होइन, दुई हजार रुपैयाँको ज्येष्ठ नागरिक भत्ताले जीवन धान्ने परिवारमा’ पनि प्रविधिलाई कसरी पुर्याउने भन्ने सरकारको सोचाइ छ,' उनले भने, 'बरु, कुन तरिकाबाट पुर्याउन सकिन्छ, तपाईं सरोकार भएका सबैको साथ चाहिन्छ। अहिले बलियो सरकार छ, नीति र बजेटमा व्यवस्थापन गर्न सकिन्छ।'
फरक प्रसंगमा मन्त्री बाँस्कोटाले प्रविधिको विकास विस्तारका लागि सरकारले छिट्टै आफ्नै ‘स्याटेलाइट’ र ‘सेक्युरिटी प्रिन्टिङ’ स्थापना गर्ने जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
