काठमाडौं। क्रिस्टियानो रोनाल्डोबिनै खेलेको पोर्चुगलले यूईएफए नेसन्स लिगमा डेनमार्कलाई ४–२ ले हराएको छ।
कोपनहेगनमा भएको खेलमा जोआओ फेलिक्सले ८७औं मिनेटमा गोल गर्दै पोर्चुगलको जित सुनिश्चित गरे।
रोनाल्डो अघिल्लो दिन प्रशिक्षक जर्ज जेसुससँगको विवाद देखिएपछि टोलीबाट बाहिरिएका थिए। यस घटनापछि ४१ वर्षीय स्टार खेलाडीको अन्तर्राष्ट्रिय करिअरको भविष्यबारे अड्कलबाजी सुरु भएको छ।
रोनाल्डोको स्थान लिएका गोन्कालो रामोसले जोआओ कान्सेलोको गोलका लागि पास मिलाए। त्यसपछि मिकेल डाम्सगार्डले २३औं मिनेटमा डेनमार्कका लागि बराबरी गोल गरेलगत्तै दुई मिनेटपछि रामोसले पोर्चुगललाई पुनः अग्रता दिलाए।
५३औं मिनेटमा रास्मुस होइलुन्डले डेनमार्कलाई फेरि बराबरीमा ल्याए। तर‚ ६७औं मिनेटमा ब्रुनो फर्नान्डेसको फ्रिकिकमा भिटिन्हाले हेडमार्फत गोल गर्दै पोर्चुगललाई ३–२ को अग्रता दिलाए। फेलिक्सले ८७औं मिनेटमा चौथो गोल गरे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788940058.jpg)
-1786602170.png)
