कतिपय व्यक्तिलाई पर्याप्त निन्द्रा पुग्दा पनि दिनभर थकान महसुस हुन्छ। शारीरिक व्यायाम वा शारीरिक श्रम गर्दा थकान हुनु स्वाभाविक नै हो। तर‚ सामान्य अवस्थामा पनि थकान महसुस भइरहनु भनेको चाहिँ स्वास्थ्य समस्या हो।
थकान धेरै कारणले हुनसक्ने जनरल फिजिसियन डा अमर प्रजापति बताउँछन्। शरीरमा पानीको कमी, अत्यधिक मद्यपान, खराब जीवनशैलीका कारण पनि धेरै थकानको अनुभव हुनसक्ने उनको धारणा छ। समयमा खाना नखाँदा, अत्यधिक जंकफुड खाँदा, धेरै बेर स्क्रिनमा हेर्दा, सुत्नुअघि मोबाइल धेरै चलाउँदा ‘स्लिप साइकल’मा अवरोध भएर थकान महसुस हुन्छ।
यसका साथै आइरनको कमी,शरीरमा अक्सिजनको कमी,शरीरमा पानीको कमी हुनु,भिटामिन ‘डी‘को कमी तथा मधुमेहका कारण पनि आवश्यकता भन्दा बढी थकान महसुस हुनसक्छ।
मुख्य कारणहरू
अपर्याप्त निद्रा : राति राम्रोसँग नसुत्दा वा सुत्ने समय नमिल्दा दिनभर अल्छी र थकित लाग्छ।
पानी कम पिउनु : शरीरमा पानी अपर्याप्त हुँदा रगतको मात्रा घटेर ऊर्जाको तह कम हुन्छ।
पोषक तत्त्वको कमी : रगतको कमी वा भिटामिन बी १२ को कमी हुनु।
मानसिक तनाव : धेरै चिन्ता वा डिप्रेसनले शारीरिक र मानसिक रूपमा कमजोर बनाउँछ।
स्वास्थ्य समस्या : थाइराइड सुस्त हुनु वा मधुमेहको लक्षण हुनु।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
