काठमाडौं– सुनसरीको कप्तानगन्ज र सिरहामा भएका घटनाको छानबिन गर्न गठित दुई छुट्टाछुट्टै समितिले आन्दोलनका क्रममा बाहिरी घुसपैठ नभएको निष्कर्ष निकालेका छन्।
समितिले बुझाएको प्रतिवेदनमा सुरक्षाकर्मीबाहेक अन्य पक्षबाट गोली चलेको प्रमाण फेला नपरेको र चार युवाको मृत्यु नेपाली सुरक्षाकर्मीले चलाएको गोलीबाट भएको उल्लेख गरिएको छ।
गत १० साउनमा सुनसरीको देवानगञ्ज गाउँपालिका–३ कप्तानगन्जबाट सुरु भएको विवाद क्रमशः अन्य जिल्लामा समेत फैलिएको थियो। घटनापछि आन्दोलनमा बाहिरी समूहको घुसपैठ भएको तथा सुरक्षाकर्मीबाहेक अन्य पक्षबाट गोली चलेको हुनसक्ने चर्चा चलेको थियो। तर, छानबिन समितिको प्रतिवेदनले त्यस्ता आशंकालाई खण्डन गरेको हो।
छानबिन समितिका एक सदस्यका अनुसार सुनसरीमा नेपाल प्रहरी र सशस्त्र प्रहरीले गरी जम्मा २० राउन्ड गोली चलाएको पाइएको छ। सुरक्षाकर्मीले चलाएको गोली लागेर तीन जनाको मृत्यु भएको प्रतिवेदनमा उल्लेख छ।
समितिले घटनाको कारण, सुरक्षा परिचालन तथा गोली चलाउनुपर्ने अवस्था लगायतका विषयमा समेत अध्ययन गरी प्रतिवेदन बुझाएको जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
-1788425345.png)
