काठमाडौँ –अमेरिकी राष्ट्रपति डोनाल्ड ट्रम्प र भारतिय प्रधानमन्त्री नरेन्द्र मोदीबीच ह्वाइट हाउसमा भेटवार्ता भएको छ । ट्रम्प राष्ट्रपतिमा पुनः निर्वाचित भएपछिको यो उनीहरूको पहिलो भेट हो । बैठकमा मुख्य रूपमा व्यापार, भन्सार शुल्क (ट्यारिफ) र आप्रवासनबारे छलफल केन्द्रित रहेको बताइएको छ । यो मोदीको प्रधानमन्त्री बनेपछि अमेरिकाको १०औँ भ्रमण हो र ट्रम्पसँगको चौथो भेट हो । यो बैठकले भारत–अमेरिका सम्बन्धलाई थप मजबुत बनाउने अपेक्षा गरिएको छ ।
दुई नेताले व्हाइट हाउसमा एक आपसमा हात मिलाएर र अँगालो हाली अंतर्राष्ट्रिय संचारमाध्यमसँग संवाद गरे र त्यसपछि द्विपक्षीय वार्ता सुरु गरे । “म राष्ट्रपति ट्रम्पको लागि उनको देशलाई सधै प्राथमिकता दिनुमा प्रशंसा गर्छु । म पनि त्यहि गर्छु – यो हाम्रो बीचको समानता हो,” प्रधानमन्त्री मोदीले भने । ट्रम्पले यसैमा थपे, “उनी भारतमा राम्रो काम गर्दैछन् र हामी हाम्रो राष्ट्रहरूको बीचका सम्बन्धलाई अझ बलियो बनाउँछौं ।”
राष्ट्रपति ट्रम्पले भारतसँग “शानदार व्यापार सम्झौताहरू” गर्ने प्रतिबद्धता व्यक्त गरे । उनले प्रधानमन्त्री मोदीलाई “महान नेता” भन्दै प्रशंसा पनि गरे । तर, बैठक अघि नै ट्रम्पले रेसिप्रोकल टेरिफ ९पारस्परिक शुल्क० प्रणाली लागू गर्ने घोषणा गरे, जसले भारतीय अर्थतन्त्रमा असर पार्न सक्नेछ । मोदीले वार्तामा भारतलाई अनुकूल व्यापार सम्झौता गर्ने प्रयास गर्ने रोयटर्सले जनाएको छ ।
बिश्व मुद्दाबारे पनि छलफल भएको बताइएको छ । रुस–युक्रेन युद्धबारे मोदीले शान्ति प्रक्रियाको पक्षमा भारत उभिएको बताएका छन् । उनले भने, “भारत तटस्थ छैन, बरु शान्तिको पक्षमा छ। युद्ध समाधान वार्ताबाट मात्र सम्भव छ ।” एजेन्सी ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1698918398-1698987692.png)
-1764146706.png)
