काठमाडौं – पहिलो नेपाल कबड्डी लिग (एनकेएल) फ्रेन्चाइज प्रतियोगिताको फाइनलमा आज जनकपुर नाइट्स र काठमाडौं माभरिक्स भिड्दै छन् । खेल शुक्रबार साँझ ६ः३० बजे सुरु हुनेछ ।
जनकपुर पूरा प्रतियोगितामै उत्कृष्ट लयमा रहँदै अपराजित छ । चार जित र एक बराबरीसँगै लिग चरणमा शीर्षस्थान हासिल गरेको जनकपुरले पहिलो क्वालिफाइयरमा विराटनगर ब्यान्डिट्सलाई पराजित गर्दै फाइनलमा स्थान बनाएको थियो ।
तर विराटनगरलाई दोस्रो क्वालिफायरमा हराएको काठमाडौं जनकपुरलाई फाइनलमा पराजित गर्ने लक्ष्यमा छ । यो टिम तीन जित, एक बराबरी र एक हारको नतिजासँगै लिगमा तेस्रो भएको थियो । त्यसपछि इलिमिनेटरमा धनगढी वाइल्डक्याट्स र दोस्रो क्वालिफायरमामा विराटनगरलाई पन्छाउँदै फाइनलमा जनकपुर सँगको भेट पक्का गरेको थियो ।
भारतको प्रो कबड्डी लिग (पीकेएल) च्याम्पियन कप्तान घनश्याम रोका मगरको उत्कृष्ट प्रदर्शनसँगै उपाधि आयोजक शहर काठमाडौंमै राख्ने प्रयासमा छन् । त्यसोत घनश्यामलाई रोक्दै जनकपुर च्याम्पियनको लक्ष्यमा छ । उ सँग थाइल्यान्डका चाहपोन कामुनी महत्वपूर्ण हतियारका रुपमा रहने छन् । फाइनल दशरथ रंगशालास्थित कभर्डहलमा हुने छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
1693220145.jpg)
-1786602170.png)
