काठमाडौं–आयोजक अमेरिका टी–२० विश्वकप २०२४ को सुपर–८ मा पुगेको छ । गएराति आयरल्यान्ड र अमेरिकाबीच खेल फ्लोरिडामा वर्षाका कारण हुन नसकेपछि १-१ अंक बाँडेका हुन् ।
समूह ए बाट भारत ३ खेलमा ३ अंकका साथ शीर्षस्थानमा रहँदै सुपर ८ मा पुगेको छ भने अमेरिका पनि ४ खेलमा २ मा जित र १ मा हारसहित ५ अंकका साथ दोस्रो स्थानमा रह्यो ।
सुपर-८ मा पुगेसँगै २०२६ को टी२० विश्वकपमा पनि अमेरिकाले स्थान बनाएको छ । यस संस्करणमा सह-आयोजक हुँदा अमेरिकाले सोझै विश्वकप खेल्ने अवसर पाएको थियो । डेब्यू विश्वकपमा सानदार प्रदर्शनका साथ सुपर-८ मा स्थान बनाएको हो ।
अमेरिकाले क्यानडालाई ७ विकेट र पाकिस्तानलाई सुपर ओभरमा हराएको थियो । पाकिस्तान भने ३ खेलमा २ मा हार र १ मा जितसहित एक खेल अगावै बाहिरिएको छ । अन्तिम खेल पाकिस्तानले आयरल्यान्डसँग आइतबार खेल्नेछ । अब सुपर ८ मा पुग्न समूह बी र नेपालसमेत रहेको समूह डी बाट एक एक टोलीको टुङ्गो लाग्न बाँकी छ । समूह डी मा दक्षिण अफ्रिका ३ खेलमा ६ अंकका साथ सुपर ८ मा पुगेको छ । समूह डी मा बंगलादेश, नेदरल्यान्ड्स र नेपाल पनि सुपर ८ को दौडमा छन् ।
समूह सी बाट अफगानिस्तान र वेष्टइण्डिज तथा समूह बी बाट अष्ट्रेलिया सुपर ८ पुगेका छन् । स्कटल्यान्ड र इंग्ल्यान्डबीच सुपर ८ मा स्थान बनाउन समूह बी मा प्रतिस्पर्धा छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778551198-1778552039.jpeg)
-1764146706.png)
