सुरु भयो सुदर्शनको 'रावायण', पल दोहोरो भूमिकामा

सिनेमा

नेपाल लाइभ मंगलबार, वैशाख ११, २०८१ ०८:५७

काठमाडौं-निर्देशक सुदर्शन थापाले ‘रावायण’को छायांकन सुरु गरेका छन् । जनकपुरधामको जानकी मन्दिरमा शुभ-मुहूर्त गर्दै सिनेमाको छायाँकन सुरु गरिएको हो। पहिलो दिन त्यहाँका रेल्वे स्टेशनका दृश्य खिचिएको छ ।

पहिलो दिनको सुटिङमा एक्सनका दृश्य खिचिएको छ । जनकपुरको छायाँकन पश्चात 'रावायण' टिमले आफ्नो अधिकांश सुटिङ सर्लाहीको लालबन्दीमा गर्नेछ।

सिनेमामा अभिनेता दुई वटा भूमिकामा देखिनेछन् भने पूजा शर्मासँग उनको जोडी बाँधिएको छ। सिनेमामा पल, पूजाको साथमा प्रमोद अग्रहरी, प्रियंका कार्की, पूर्व मिस नेपाल निकिता चण्डक, प्रकाश शाह, कैलाश रावल, अर्जुनजंग शाही, शर्मिला मल्ल, प्रदिप ढकालको अभिनय रहनेछ ।

प्रेमकथा निर्देशकका रुपमा परिचित निर्देशक थापाले पहिलोपटक कुनै एक्सन सिनेमाको निर्देशन गर्न लागेका हुन्। सुदर्शन थापा र पूजा शर्माको संयुक्त निर्माण रहने फिल्मको आगामी भदौ २१ गते रिलिज गरिने घोषणा भइसकेको छ।

यसअघि निर्देशक थापाले यो सिनेमामा अनमोल केसीलाई अनुबन्धन गरेका थिए भने केसीको जोडी नीति शाहलाई बनाइएको थियो तर 'छड्के २' सुपरफ्लप भएपछि अनमोलले स्क्रिप्ट चित्त नबुझेको भन्दै सिनेमाबाट हात झिकेको घोषणा गरेका थिए।

ततःपश्चात थापाले आर्थिक विश्वासघात गरेको उजुरी दिए। सोही उजुरीका आधारमा अनमोललाई प्रहरीले पक्राउ गरेर हिरासतमा लिएको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सूर्यदर्शन सहकारी प्रकरण : दीपेश पुनमाथि २ करोड १४ लाख बिगो दाबी

कैलालीमा आधा किलो सुनसहित दुई भारतीय नागरिक पक्राउ

हृदयघातबाट थुनुवाको मृत्यु