५ करोडको ओपनिङ गर्ने भनिएको 'डिग्री माइला'ले तीन दिनमा कति कमायो ?

सिनेमा

नेपाल लाइभ सोमबार, वैशाख ३, २०८१ ०९:१०

काठमाडौं-पाँच करोडको ओपनिङ लिने अनुमान गरिएको 'डिग्री माइला'ले बक्सअफिसमा आक्रामक व्यापार गरेको छ। सिनेमाले दुई दिनमा ३ करोड ६ लाख कमाइ गरेको छ।

यस्तै तेश्रो दिनेमा समेत सिनेमाले सोच अनुसारको व्यापार गरेको जानकारी वितरक गोविन्द शाहीले दिएका छन्। उनले तेश्रो दिन आइतबारको व्यापारिक रिपोर्ट र दर्शकको प्रतिक्रियाले सिनेमाले वक्सअफिसा राम्रो व्यापार गर्नेमा आफूहरु ढुक्क भएको बताए।

'अन्तिम हिसाब दिउँसो आउँछ तर प्रारम्भिक रिपोर्टअनुसार सिनेमाको तेश्रो दिनको कमाइ ८०-८५ लाख छ' शाहीले भने। सिनेमाले रिलिजको पहिलो दिन ९८ लाख र दोश्रो दिन शनिबार २ करोड ८ लाख कमाइ गरेको थियो। तीन दिनमा सिनेमाको कुल कमाइ ३ करोड ९१ लाख रुपैयाँ पुगेको छ।

'सिनेमा मजाले जान्छ दर्शकले सिनेमा मनपराइरहनु भएको छ। ५ गते चैते दशैंमा सिनेमाले अझ राम्रो व्यापार गर्छ। हलहलमा गएर बुझेको दर्शक प्रतिक्रियाले सिनेमाले कमाइ राम्रो गर्ने देखाएको छ' , उनले भने। फिल्मको कथावस्तु र कलाकारहरुको अभिनयलाई दर्शकले विशेष रुचाएका छन् ।

रामबाबु गुरुङको निर्देशनमा बनेको फिल्ममा दयाहाङ राई, आँचल शर्मा, बुद्धि तामाङ, विजय बराल, प्रकाश घिमिरे, कमलमणि नेपाल, अनिल सुब्बा, माओत्से गुरुङ लगायतको अभिनय छ । सिनेमाले आफ्नो डिग्रीको अहमताले भरिएको माइला पात्र र ऊप्रति समाजको अपेक्षाको सेरोफेरोको कथा पेस गर्छ।

फिल्मको निर्मातामा विशाल गुरुङ, मणिराम पोखरेल, सुष्मा गुरुङ र मधु मिजार छन् भने कार्यकारी निर्माता भने क्रिश लामा हुन् । शिवराम श्रेष्ठ र राइली एस शिनले फिल्मको छायांकन गरेका हुन् ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सूर्यदर्शन सहकारी प्रकरण : दीपेश पुनमाथि २ करोड १४ लाख बिगो दाबी

कैलालीमा आधा किलो सुनसहित दुई भारतीय नागरिक पक्राउ

हृदयघातबाट थुनुवाको मृत्यु