काठमाडौं– वैदेशिक रोजगारीका लागि माल्टा पठाइदिने भन्दै ५ लाख रकम ठगी गरेको आरोपमा १ जनालाई प्रहरीले पक्राउ गरी शुक्रबार सार्वजनिक गरेको छ।
पक्राउपर्नेमा पर्साको वीरगञ्ज महानगरपालिका–१४ घर भइ हाल काठमाडौं महानगरपालिका–३२ शान्तिनगर बस्ने धीरज पटेल रहेका काठमाडौं उपत्यका अपराध अनुसन्धान कार्यालयका प्रवक्ता तथा प्रहरी उपरीक्षक रवीन्द्र रेग्मीले जानकारी दिए।
उनले भने, ‘पक्राउ परेका पटेलले विवेक यादवलाई वैदेशिक रोजगारीका लागि माल्टा पठाइदिने भन्दै पीडितबाट पटकपटक गरी रु पाँच लाख लिइ सम्पर्कविहीन भएपछि खोजी गर्ने क्रममा बिहीबार बबरमहलबाट पक्राउ गरी आज सार्वजनिक गरेका हौँ।’
पक्राउ परेका पटेलमाथि थप अनुसन्धान तथा कारबाहीका लागि शुक्रबार नै वैदेशिक रोजगार विभाग ताहाचल पठाइएको प्रवक्ता तथा प्रहरी उपरीक्षक रेग्मीले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
_ZtgGYzEpDO-1789120936.webp)
-1786602170.png)
