काठमाडौं– नेपाल खानेपानी संस्थानले विभिन्न पदमा गरी ६१ जना कर्मचारी माग गरेको छ। करार सेवामा खुला प्रतिस्पर्धाबाट पदपूर्ति गर्नेगरी संस्थानले दरखास्त आह्वान गरेको छ।
संस्थानले जुनियर प्लम्बर ९ जना, असिस्टेन्ट पम्प अपरेटर ४ जना, प्लान्ट एटेन्डेन्ट १ जना र ल्याब ब्वाइ ३ जना मागेको छ।
यस्तै, लाइट ड्राइभर ५ जना, हेल्पर १६ जना र कार्यालय सहयोगी २३ जनाका लागि दरखास्त आह्वान गरिएको छ।
माग भएको पदमध्ये जुनियर प्लम्बर, असिस्टेन्ट पम्प अपरेटर, प्लान्ट एटेन्डेन्ट र ल्याब ब्वाइका लागि ८ कक्षा पास भएको शैक्षिक योग्यता र कम्तीमा ३ महिनाको तालिम लिएको वा साधारण लेखपढ गर्न जान्ने भइ सम्बन्धित काममा ३ वर्षको अनुभव प्राप्त हुनुपर्ने संस्थानले जनाएको छ।
यस्तै, लाइट ड्राइभरका लागि नेपाली भाषा लेखपढ गर्न जान्ने भइ हलुका सवारी चालकको अनुमतिपत्र (लाइसेन्स) प्राप्त गरेको हुनुपर्नेछ।
हेल्परको हकमा ५ कक्षा पास भएको शैक्षिक योग्यतासहित कम्तीमा १ महिनाको तालिम प्राप्त वा साधारण लेखपढ गर्न जान्ने भइ सम्बन्धित कार्यमा २ वर्षको अनुभव प्राप्त हुनुपर्नेछ।
कार्यालय सहयोगीको हकमा साधारण लेखपढ गर्न जान्ने भए पुग्ने संस्थानले जनाएको छ।
संस्थानले प्रथम पटक सूचना प्रकाशित मिति (४ पुस २०८०) देखि ३० दिनभित्र दरखास्त दिइसक्नुपर्ने जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
