काठमाडौं- शम्भु-निर्मला कला-साहित्य समाजले लेखक एवं वरिष्ठ पत्रकार भैरव रिसाललाई यस वर्षको शम्भु-निर्मला विशिष्ट साधक सम्मान प्रदान गरेको छ।
समाजका पदाधिकारीले अनामनगरस्थित रिसालकै घरमै पुगेर उनलाई २१ हजार रुपैयाँ नगदसहित सम्मानपत्र प्रदान गरेका हुन्। समाजद्वारा वरिष्ठ श्रष्टा एवं सङ्गीतकार शम्भुकुमार मिलनको तेस्रो वार्षिक स्मृति दिवसका अवसरमा शनिबार आयोजित कार्यक्रममा ‘स्मृतिविम्बमा शम्भुकुमार मिलन’ स्मृतिग्रन्थ विमोचन गरिएको छ।
नेपाल प्रज्ञा प्रतिष्ठानका पूर्वउपकुलपति बैरागी काइँला र पूर्वसभामुख दमननाथ ढुङ्गानासहित वरिष्ठ साहित्यकारले उक्त कृति लोकार्पण गरेका हुन्। नेपाली साहित्य र कला क्षेत्रका सम्मानित व्यक्तित्व मिलनले साहित्य, गीत, सङ्गीत, शिक्षा र प्राज्ञिक क्षेत्रमा अतुलनीय योगदान दिएका छन्।
उनको स्मृतिमा प्रकाशित कृतिका संस्मरण भागमा ३१ जना, पारिवारिक स्मृति भागमा १७ जना र समालोचना भागमा १९ जना श्रष्टाका लेख, रचना र विचार समावेश छन्।
-रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1763559424.jpg)
-1763536825.png)
