काठमाडौं– सरकारले राखेको लक्ष्यभन्दा महंगी माथि पुगेको पाइएको छ। नेपाल राष्ट्र बैंकले सार्वजनिक गरेको तथ्यांक अनुसार मुद्रास्फिति ८.१९ प्रतिशत पुगेको छ।
तर सरकारले महंगी ६.५ प्रतिशत कायम राख्ने दाबी गरेको थियो। सरकारले राखेको लक्ष्यभन्दा २ प्रतिशत महंगी वृद्धि भएको पाइएको छ।
साउनमा ७.५२ रहेको थियो। भदौमा ८.१९ प्रतिशत पुगेको छ। सरकारले महंगी घटाउने दाबी गरे पनि लगातार उभो लागेको तथ्यांकमा देखिएको छ।
नेपाल राष्ट्र बैंकको तथ्यांक अनुसार चालू आर्थिक वर्षको दुई महिनामा वार्षिक बिन्दुगत उपभोक्ता मुद्रास्फीति (महंगी) ८.१९ प्रतिशत पुगेको छ।
भदौमा खाद्य तथा पेय पदार्थ समूहको मुद्रास्फीति ९.७४ प्रतिशत र गैर–खाद्य तथा सेवा समूहको मुद्रास्फीति ६.९९ प्रतिशत पुगेको छ।
भदौमा खाद्य तथा पेय पदार्थ समूहअन्तर्गत मरमसला उप–समूहको वार्षिक बिन्दुगत उपभोक्ता मूल्य सूचकांक ४५.४६ प्रतिशत, चिनी तथा चिनीजन्य वस्तुको १७.८६ प्रतिशत, तरकारीको १४.५१ प्रतिशत, खाद्य तथा खाद्यजन्य पदार्थको १३.३८ प्रतिशत, दुग्ध पदार्थ तथा अण्डाको १२.६० प्रतिशत रहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
