बैतडी– डडेलधुरामा एक महिलामाथि सामूहिक बलात्कार भएको घटना बाहिरिएको छ। महिला गर्भवती भएपछि गत वैशाखमा चार जनाले युवाले उनीमाथि सामूहिक बलात्कार भएको घटना सार्वजनिक भएको हो।
प्रहरीले जिल्लाको भागेश्वर गाउँपालिकाकी २० वर्षीया महिलालाई सामूहिक बलात्कार गर्ने चार जनालाई पक्राउ गरी बिहीबार सार्वजनिक गरेको छ।
महिलालाई सामूहिक रुपमा जबर्जस्ती करणी गर्ने चारै जनाले आरोपमा स्वीकारेपछि पत्रकार सम्मेलनमार्फत् उनीहरूलाई सार्वजनिक गरिएको डडेल्धुराका प्रहरी नायव उपरीक्षक (डीएसपी) दीपककुमार कार्कीले जानकारी दिए। प्रहरीले भागेश्वर गाउँपालिका–३ ओडगाउँका २३ वर्षीय कमल ओड, सोही ठाउँका १८ वर्षीय प्रकाश ओड, २२ वर्षीय तपेन्द्र ओड र २८ वर्षीय दीपक ओडलाई सार्वजनिक गरेको हो।
उनीहरूमाथि गत वैशाखमा ती महिलालाई सामूहिक बलात्कार गरेको आरोप छ। ‘ती महिलाको पेटमा पाँच महिनाको गर्भ रहेपछि घटना बाहिरिएको हो,’ डीएसपी कार्कीले भने, ‘केही महिनादेखि पेट दुख्यो भनेपछि परिवारका सदस्यले ती महिलालाई ३० भदौमा भागेश्वर–३ मा आयोजित स्वास्थ्य शिविरमा पठाएका रहेछन्। त्यहाँ शिविरमा उनको भिडिओ एक्सरे गरेपछि उक्त घटना बाहिर आयो।’
उजुरीपछि प्रहरीले उनीहरूलाई नियन्त्रणमा लिएको हो। पीडित महिलाले घटनामा संलग्नमध्ये एक जनाको हात र घाँटीमा टाटु रहेको जानकारी प्रहरीलाई दिएकी थिइन्।
पीडित महिला विवाहित हुन्। ती महिलाका श्रीमान् डेढ वर्षदेखि रोजगारीका सिलसिलामा भारतमा छन्। पीडित महिला एक छोरीकी आमा हुन्। स्थानीय नानीगाड खोलामा वैशाख ५ गते र वैशाख १२ गते घरको गोठमा बेलुकीको समयमा गरी दुईपटक ती महिलालाई सामूहिक बलात्कार भएको प्रारम्भिक अनुसन्धानबाट खुलेको डीएसपी कार्कीले पत्रकार सम्मेलनमा बताए।
पक्राउ परेका चारै जनाविरुद्ध अनुसन्धानका लागि बिहीबार डडेल्धुरा जिल्ला अदालतबाट सात दिनको म्याद थप गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1776414047.png)
-1764146706.png)
