काठमाडौं– मंगलबारदेखि सिजन २०२३/२४ को युईएफए च्याम्पियन्स लिग सुरु हुँदैछ। नेपाली समयअनुसार मंगलबार राति साढे १० बजेबाट च्याम्पियन्स लिगका खेलहरु सुरु हुँदैछन्।
समूह चरणका खेलहरु १९ सप्टेम्बरदेखि १३ डिसेम्बरसम्म चल्नेछन्। जुन १ मा बेम्बेलीमा फाइनल खेल हुनेछ। यो अहिलेको ढाँचाका अन्तिम च्याम्पियन्स लिग हो। जहाँ प्रत्येक ४ टोलीमध्ये समूहको शीर्ष २ टोली अन्तिम १६ मा प्रवेश गर्नेछन्। अर्को सिजनबाट भने ३२ बाट ३६ टोली समावेश गराइनेछ।
आज पहिलो दिन मंगलबार ८ वटा खेलहरु हुनेछन्। आज हुने खेलहरु मध्ये फ्रेन्च क्लब पीएसजी र जर्मन क्लब बोरुसिया डर्टमण्डबीच हुने खेललाई निकै प्रतिस्पर्धात्मक हुने देखिएको छ।
फ्रेन्च क्लब पेरिस सेन्ट जर्मेन (पीएसजी) ‘ग्रुप अफ डेथ’ (कठिन समूह) मा परेको छ। पीएसजीको समूहमा बुन्डेसलिगा क्लब बोरुसिया डर्टमन्ड, इटालियन सिरी ए क्लब एसी मिलान र इंग्लिस प्रिमियर लिग क्लब न्युक्यास्टल परेका छन्।
आजबाट सुरु हुने च्याम्पियन्स लिगको गोल डटकमले पावर र्याङकिङ सार्वजनिक गरेको छ। क्लबको पफर्मेन्स, खेलाडीको प्रदर्शनलगायतलाई आधार मानेर गोल डटकमले पावर र्याङ्किङ सार्वजनिक गरेको हो।
जसअनुसार पहिलो दाबेदारको रुपमा डिफेन्डिङ च्याम्पियन्स म्यानचेस्टर सिटीलाई लिइएको छ। प्रशिक्षक पेप ग्वार्डिवाला आफ्नो योजनामा सफल हुन माहिर रहेकाले यो पटक पनि प्रमुख दाबेदार सिटीलाई लिइएको छ।
गत वर्षका विजेताहरु इक्ले गुन्डोगान बार्सिलोना गएकाले र अर्का मिडफिल्डर केभिन डी ब्रयना घाइते भएकाले मैदानमा उपस्थित नभएको अवस्थामा पनि अहिले सिटीलाई खासै फरक नपर्ने गोल डटकमले उल्लेख गरेको छ।
यस्तो छ पावर र्याङकिङ
१ म्यानचेस्टर सिटी
२ बायर्न म्युनिख
३ बार्सिलोना
४ रियल मड्रिड
५ आर्सनल
६ इन्टर मिलान
७ एथ्लेटिको मड्रिड
८ नापोली
९ पीएसजी
१० बेनफिका
११ पोर्तो
१२ बोरुसिया डर्टमण्ड
१३ आरबी लेइपजिग
१४ पीएसभी
१५ एसी मिलान
१६ न्युक्यास्टल
१७ फेनिवुर्ड
१८ सेभिल्ला
१९ म्यानचेस्टर युनाइटेड
२० रियल सोसिडाड
२१ गालाटासारे
२२ युनियन बर्लिन
२३ रेडबुल साल्जबर्ग
२४ लाजिओ
२५ शाख्तर डोनेस्क
२६ ब्रागा
२७ रेड स्टार बेलग्रेड
२८ लेन्स
२९ एफी कोपनहेगन
३० एन्टवर्प
३१ योङ ब्वाइज
३२ सेल्टिक
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786360041.jpg)
-1767836232.jpg){kind=logo}
-1786602170.png)
-1789631269.jpg)
