काठमाडौं– अनुराग कश्यपले बलिउडमा धेरै हिट फिल्म दिएका छन्। अनुराग आफ्नो फिल्ममा नयाँ अनुहारलाई मौका दिन्छन्, तर ठूला स्टारको पछि लाग्नबाट जोगिन्छन्।
यही कारण उनले कहिलेकाहीँ आलोचनाको सामना गर्नुपरेको छ। एक अन्तर्वार्तामा अनुराग कश्यपले आफ्ना फिल्म फ्लप भएको र सलमान खान र शाहरुख खानजस्ता स्टारसँग फिल्म नबनाउने कुरा गरेका थिए। उनले यी स्टारसँग किन काम नगर्ने खुलासा गरेका छन्।
अनुराग कुनै पनि ठूलो नाममा धेरै प्रयोग गर्न नसकिने विश्वास गर्छन्। उनले यसको श्रेय भारतमा नायकको ठूलो फ्यान फलोइङलाई दिए। अनुरागले भने, 'फिल्म बनाउनको लागि इन्डस्ट्रीमा आए पनि एक समय यस्तो आयो जब म ठूला स्टारको पछि दौडिन थालेँ। बलिउडका सुपरस्टार शाहरुख खान र सलमान खानलाई उनका फ्यानले भगवान जस्तै पुज्छन्। एक स्टारसँग काम गर्दा, यदि तपाईंले उसको फ्यानको अपेक्षाहरू पूरा गर्नुहुन्न भने, उसले तपाईंलाई अस्वीकार गर्दछ। सलमान खानको फिल्म ट्युबलाइटका निर्देशक कबीर खानसँग यस्तो भएको छ।’
अनुराग कश्यपले थपे, ‘म आफ्नो लागि फिल्म बनाउँछु, कसैको साथी वा फलोअर्सका लागि होइन। भारतमा फ्यानहरूले ठूला स्टारको पूजा गर्छन् भने अन्य देशमा त्यस्तो संस्कृति छैन। त्यहाँ तपाईलाई थप रचनात्मक काम गर्ने स्वतन्त्रता छ।’
ओटीटी फिल्म र सिरिजको बारेमा कुरा गर्दै अनुराग कश्यपले भने, 'ओटीटीले उदाउँदो स्टारका लागि ढोका खोलेको छ। राम्रा कलाकारले राम्रो भूमिका र राम्रो पारिश्रमिक पाइरहेका छन्। अब पंकज त्रिपाठी वा नवाजुद्दीन सिद्दीकी पनि फिल्ममा मुख्य कलाकार हुन सक्छन्।’
अनुराग कश्यपले पछिल्लो पटक थ्रिलर फिल्म ‘केनेडी’ निर्देशन गरेका थिए। जसमा राहुल भट्ट र सन्नी लियोनी मुख्य भूमिकामा देखिएका छन्। अनुराग कश्यपले सन् २००३ मा ‘पाँच’ बाट निर्देशकको रुपमा आफ्नो करिअर सुरु गरेका थिए। यसपछि उनले ‘ग्याङ्ग्स अफ वासेपुर’, ‘दोबारा’, ‘ब्ल्याक फ्राइडे’, ‘लस्ट’ जस्ता सफल फिल्म निर्देशन गरेका छन्।
अनुरागको खातामा 'मनमर्जियां', 'मसान', 'बम्बे टकीज' जस्ता फिल्महरू समावेश छन्। हालै अनुराग नवाजुद्दीन सिद्दीकीसँग ‘हड्डी’ मा देखिएका थिए। यो फिल्म शाहरुख खानको ‘जवान’सँगै रिलिज भएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791950786-1793201567.png)
-1786602170.png)
