काठमाडौं– अगस्ट ११ मा बलिउडका दुई फिल्म हलमा रिलिज भए। ‘गदर २’मा सनी देओल २२ वर्षपछि फेरि तारा सिंह र अमिषा पटेल सकिनाको भूमिकामा देखिएका छन्।
अर्को फिल्म हो अक्षय कुमार, पंकज त्रिपाठी, यामी गौतम स्टारर ‘ओएमजी २’। दुई फिल्मका दोस्रो दिनको आम्दानीको अनुमानित तथ्याङ्क सार्वजनिक भएको छ।
‘गदर २’को रिलिज हुनुअघि नै क्रेज देखिएको थियो, जसले फिल्मलाई ओपनिङ दिनमै फाइदा पुगेको थियो। फिल्मले पहिलो दिन ४०.१० करोड कमाएको थियो। शनिबार कमाइ अझै बढ्ने आशा जगाएको थियो।
ओएमजीले पहिलो दिनको तुलनामा दोस्रो दिन पनि राम्रो प्रदर्शन गरेको छ।
दुवै चलचित्रको दोस्रो दिनको अनुमानित बक्स अफिस कलेक्सन साझा गरिएको छ, जसअनुसार ‘गदर २’ले शनिबार ४३ करोड र ‘ओ माइ गड २’ले १४.५ करोड कमाएको छ।
शुक्रबार ‘ओएमजी २’को कलेक्सन १०.२६ करोड थियो। अर्थात् दुई दिनमा अक्षयको फिल्मले २४.७६ करोड कमाएको छ। जहाँ सनी देओलको फिल्मको आँकडा ८३ करोड नाघेको छ।
‘गदर २’ले बक्स अफिसमा जसरी प्रदर्शन गरिरहेको छ, त्यो हेर्दा फिल्म छिट्टै १०० करोडको क्लबमा सामेल हुने देखिन्छ। यो चलचित्रलाई अनिल शर्माले निर्देशन गरेका हुन्।
फिल्ममा सनी देओल र अमिषा पटेलका अलावा उत्कर्ष शर्मा पनि मुख्य भूमिकामा छन्। उनी तारा सिंहका छोराको भूमिकामा देखिएका छन्।
उत्कर्ष सन् २००१ मा रिलिज भएको ‘गदर’को पहिलो भागमा पनि थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1770562345.jpg)
