काठमाडौं- आइतबार ६३ अङ्कको वृद्धि भएको सेयर बजार सोमबार २६.६६ अङ्कले घटेको छ। जसबाट नेप्से परिसूचक २२०० कायम भएको छ। अघिल्लो दिन मौद्रिक नीतिका केही नीतिगत व्यवस्थाले प्रभाव परेर बजार बढेको अनुमान गरिए तापनि उक्त कुरालाई लगानीकर्ताले विश्वास गरेको देखिएन।
कारोबार रकममा भने आइतबारको तुलनामा बढवा भएको छ। सोमबार ४ अर्ब ७३ करोडमाथिको कारोबार भएको छ। यस्तै, ५० वटा कम्पनीको मूल्यमा सुधार भए पनि १६३ को मूल्यमा भने गिरावट आएको छ।
सोमबार बैंकिङ उपसमूह २७, विकास बैंक १४९, फाइनान्स ३७, होटल तथा पर्यटन ६०, जलविद्युत् १२, जीवन बीमा १४३, उत्पादन ११४, माइक्रो फाइनान्स ४१, निर्जीवन बीमा १३४, र ब्यापार उपसमूह ९० अङ्कले घटेको छ। अन्य उपसमूह भने ४५ अंक बढेको छ।
कम्पनीगततर्फ हेर्ने हो भने किसान लघुवित्तको १० र नेपाल पुनर्बीमा कम्पनीको मूल्य ६ प्रतिशतले बढेको छ। त्यस्तै, लिबर्टी इनर्जीको मूल्य भने ६ प्रतिशतले घट्न गएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
