सबै याद राखिनेछ, सबै कुरा याद राखिनेछ
तिम्रो लाठी र गोलीबाट जो मारिएका छन्
मेरो साथीहरू, उनीहरूको यादमा मनलाई बरबाद राखिनेछ
सब याद राखिनेछ
तिम्रो मसिले लेखेको झुट हामीलाई थाहा छ
हो हाम्रो रगतैले सही, साँचो लेखिनेछ
सब याद राखिनेछ
मोबाइल, इन्टरनेट, टेलिफोन दिनभरि बन्द गरेर
चिसो अँध्यारोमा पूरै सहरको नजरबन्द गरेर
हतियार लिएर मेरो घरभित्र जबर्जस्ती पसेर
मेरो टाउको शरीर, मेरो अमूल्य जीवनको तोड्नु
मेरो कलेजोमाथि बीच बाटोमा प्रहार गर्नु
बेपरबाह सडकमा उभिएर झुण्डमा तिमी मुस्कुराउनु
सब याद राखिनेछ, सबै कुरा याद राखिनेछ
दिनमा मीठो–मीठो कुरा गर्दै नजिक आएको
सबै ठीक छ भन्दै हरेक जिब्रोमा फड्कारेको
रात हुनेबित्तिकै हरेक आन्दोलित मानिसमाथि लाठी चलाएको
गोली चलाएको
हामीमाथि आक्रमण गर्दै, आतंककारी भनेको
सबै याद राखिनेछ, सबै कुरा याद राखिनेछ
यो पनि याद राखिनेछ कि कुन कुन तरिकाबाट तिमीले
मातृभूमि टुक्र्याउने षड्यन्त्र गर्यौ
यो पनि याद राखिनेछ कि कुन कुन तरिकाबाट हामीले
देशलाई जोगाउन कामना गर्यौँ
जब जब कायरताको क्षणबारे उल्लेख हुनेछ
तब तिम्रो नाम नाम याद राखिनेछ
जब जब कायरताको क्षणबारे उल्लेख हुनेछ
हाम्रो नाम उल्लेख हुनेछ
हाम्रो नाम याद राखिनेछ कि केही मानिस थिए
जसको सपना टुटेको थिएन फलामको हतियारबाट
केही मानिस थिए जसको विचार बेचिएको थिएन
एकाधिकारवादीहरूको पैसाबाट
केही मानिस थिए, जो टिकिरहेका थिए
आँधी तुफान गएपछि पनि
केही मानिस थिए जो बाँचिरहे
आफ्नो मृत्युको खबर आउँदासम्म
आँखा बन्द गर्न बिर्सिए पनि
पृथ्वीले आफ्नो अक्षमा घुम्न बिर्सिए पनि
हाम्रा काटिएका पखेटाका पखेटाहरूका
हाम्रो च्यातिएका गलाको आवाजका
सब याद राखिनेछ, सबै कुरा याद राखिनेछ
तिमी रात लेख्छौ, हामी जून लेख्नेछौँ
तिमी जेलमा थुन्छौ, हामी पर्खाल तोडेको लेख्नेछौँ
तिमी एफआइआर लेख, हामी तयार रहेको लेख्नेछौँ
तिमी हाम्रो हत्या गर, हामी भूत लेख्नेछौँ
तिम्रो अपराधका सारा प्रमाण लेख्नेछौँ
तिमी अदालतबाट चुटकिला लेख
हामी पर्खालनिर न्याय लेख्नेछौँ
बाहिर पनि सुन, यति जोडले चिच्याउनेछौँ
अन्धाले पनि पढ्न सक्छ, त्यति स्पष्ट लेख्नेछौँ
तिमी कालो कमल लेख, हामी रातो गुलाब लेख्नेछौँ
तिमी जमिनमा अपराध लेख, हामी आकाशमा क्रान्ति लेख्नेछौँ
सब याद राखिनेछ, सबै कुरा याद राखिनेछ
ताकि तिम्रो नाममा श्राप पठाउन सकियोस्
ताकि तिम्रो शरीरमा कालो पोत्न सकियोस्
तिम्रो नामले तिम्रो शरीरको बरबाद गर्नेछ
सब याद राखिनेछ, सबै कुरा याद राखिनेछ
भावानुवाद : समर्पण श्री
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1773582775.jpg)
-1773578720.png)
-1764146706.png)
