काठमाडौं– जया प्रदाले करिब ३० वर्षको करिअरमा अलग अलग भाषका थुप्रै फिल्ममा काम गरिन्।
उनको जन्म २ अप्रिल १९६२को एक मध्यमवर्गीय परिवारमा भएको थियो। जयाको बा कृष्ण राव एक तेलुगू फिल्म फाइनेन्सिरमा थिए। जया बाल्यकालमा डाक्टर भन्ने सपना साँच्थिन्। उनकी आमाले जयालाई नृत्य र संगीत कक्षामा भर्ना गरिदिइन्।
७ वर्षको उमेरदेखि नाच्ने र गाउने तालिम लिएकी थिइन् जयाले।
जया १४ वर्षको हुँदा अभिनेता प्रभाकर रेड्डीले उनको नाम जया प्रदा राखिदिए। तेलुगू फिल्म ‘भूमि कोसम’को ३ मिनेटको गीतमा उनी पहिलो पटक देखिएकी थिइन्।
तेलुगू फिल्म उद्योगमा डेब्यूपश्चात् उनले ८ भाषाका करिब ३ हजार फिल्ममा काम गरिन्। प्रसिद्ध निर्देशक सत्यजीत रेले एक पटक जया प्रदाको सुन्दरताको तारिफ गरेका थिए। उनले भारतीय फिल्म उद्योगकै सबैभन्दा सुन्दर अभिनेत्रीको उपमा जयालाई दिएका थिए।
फिल्मको पर्दामा जितेन्द्रको साथ उनको जोडी चर्चित थियो।
उनीहरूले २५ फिल्ममा अपोजिट चरित्र निर्वाह गरेका थिए। त्यसमध्ये १९ फिल्म बक्स अफिसमा चर्चित थिए। ६१ वर्षकी जया प्रदा १९७९को फिल्म ‘सरगम’बाट लोकप्रिय भइन्। फिल्ममा उनले मूक डान्सरको भूमिका निर्वाह गरेकी थिइन्। उनले अमिताभ बच्चनको फिल्म ‘शराबी’मा नृत्य गरेकी थिइन्।
जयाले बलिउड करिअरको सुरुवातमा हिन्दी बोल्न नजानेकै कारण धेरै समस्या झेल्नुपर्यो। १९८२को फिल्म ‘कामचोर’ उनको पहिलो हिन्दी फिल्म थियो।
जसमा धाराप्रवाह हिन्दी बोलेको देखिएकी थिइन्। उनले फिल्म ‘संजोग’मा सबैभन्दा बलियो प्रस्तुति दिएकी थिइन्। जसमा आमा र छोरीको डबल भूमिकामा देखिएकी थिइन्।
जयाले १९८६मा फिल्म निर्माता श्रीकान्त नाहटासँग विवाह गरिन्। त्यो विववाहका कारण उनी विवादमा आइन्। कारण श्रीकान्न पहिल्यैदेखि विवाहित थिए। उनको पहिलो श्रीमतीबाट १ सन्तान थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768632127.png)
-1764146706.png)
-1768395492.png)
