साताको पहिलो कारोबार दिन आइतबार सेयर बजार ६.९० अंकले गिरावट

अर्थ समाचार

नेपाल लाइभ आइतबार, चैत ५, २०७९ १५:५७

काठमाडौं– साताको पहिलो कारोबार दिन आइतबार सेयर बजार ६.९० अंकले गिरावट आएको छ। पछिल्लो हप्ता पनि सेयर बजारमा निरन्तर गिरावट आएको थियो। उक्त गिरावटले यो साता पनि निरन्तरता पाएको छ।

आइतबार करिब १ अर्ब ६ करोड ९८ लाख करोबार हुँदा पनि उक्त अंकले गिरावट आउँदै नेप्से परिसूचक १९२६ मा झरेको छ। १२७ वटा कम्पनीको मूल्यमा गिरावट आएको छ भने ७४ कम्पनीको मूल्यमा भने सुधार आएको छ। यस्तै, १२ वटा कम्पनीको मूल्य भने स्थिर रहेको छ।

आइतबार होटल तथा पर्यटन, हाइड्रोपावर, लगानी, व्यापार, निर्जीवन बीमा उपसूचकमा वृद्धि भए पनि बैंकिङ, जीवन बीमा, उत्पादनमुलक, लघुवित्त उपसूचकमा भने गिरावट आएको छ।

आइतबार धेरै कमाउने कम्पनीमा मानुषि लघुवित्त र यूनिक नेपाल लघुवित्त र शुभम् पावर लिमिटेड रहेका छन्। यीनिहरुको मूल्यमा १० प्रतिशतले बढोत्तरी हुँदै सकारात्मक सर्किट लागेको छ।

यस्तै, ग्रीन भेन्चर लिमिटेडको मूल्यमा पनि ७.१८ प्रतिशतले बढेको छ। यस्तै, धेरै गुमाउनेमा सानिमा ग्रोथ फण्ड, सृजनशील लघुवित्त, मनकामना स्मार्ट लघुवित्त, सबैको लघुवित्त र मिथीला लघुवित्त रहेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

एनपीएलः दीपेन्द्रसिंह ऐरीले जिते कार

एनपीएलः सुदूरपश्चिमका जैब सर्वोत्कृष्ट खेलाडी, जनकपुरका ललित उत्कृष्ट बलर र विपीन उदीयमान खेलाडी

जनकपुरले जित्यो एनपीएलको उपाधि