सुनितासँग अफेयर हुँदा डेट गर्न डराउँथे गोविन्दा

गसिप

नेपाल लाइभ बिहीबार, फागुन २५, २०७९ १२:४५

काठमाडौं– बलिउड अभिनेता गोविन्दाले हालैको एक अन्तर्वार्तामा पत्नी सुनिता आहुजासँगको पहिलो भेटबारे भारतीय सञ्चारमाध्यमसँग कुरा गरे।

उनले आफ्नो सम्बन्धको सुरुवातबारे पनि नयाँ खुलासा गरे। उनले सुनितालाई प्रभावित पार्न पहिलो कदम चालेको पनि सम्झिए।

गोविन्दाका अनुसार सुनितालाई प्रभावित पार्न उनलाई एक वर्षभन्दा बढी समय लागेको थियो। सुरुमा उनी सुनितासँग नजिकिन डराएका थिए। कारण उनी त्यतिबेला १५ वर्षकी थिइन्।

उनीहरूको पहिलो भेटबारे गोविन्दाले भने, ‘मलाई डर थियो। किनकि त्यो उमेरमा डेट गर्नु बाल दुर्व्यवहार हुन जान्थ्यो।’ सुनिता १५ र गोविन्दा २१ वर्षका थिए। गोविन्दाले आफूहरू सानो भएको कुरा गर्दा सुनिताले जवाफमा भनिन्, ‘हो मलाई सबै थाहा छ। तर म तपाईंलाई माया गर्छु।’

गोविन्दाले फिल्मको मुहूर्तमा दुवैले एकअर्कासँग नाचेको, विवाह र विभिन्न कार्यक्रममा जाँदाका विषयमा पनि बताए। पहिलो भेटबारे उनले भने, ‘एक समारोहमा सँगै गएपछि पहिलो पटक हात मिलाउँदा हामी गाडीमा थियौं, मेरो हातले उनको हात छोयो।’

त्यसपछि गोविन्दालाई सुनिताले हात नहटाएको महसुस भयो। उनले हात पकडेकी थिइन्। गोविन्दाले भने, ‘मैले उनको हात छुटाएको भए धेरै अनौठो हुन्थ्यो। मैले सोचेँ म पञ्जाबी हुँ। हात समातेपछि समाइरहन्छु।’

सुनिताले भनिन्, ‘हामीले एकअर्कालाई पहिलो पटक छोएका थियौं। हामीले एउटै कारमा पहिलो पटक हाम्रो प्रेम व्यक्त गर्यौं।ֹ’

गोविन्दा र सुनिताको विवाह ११ मार्च १९८७ मा भएको थियो। त्यतिबेला गोविन्दा २४ वर्षका थिए भने सुनिता १८ वर्षकी।

गोविन्दा र सुनिताका दुई सन्तान छन्, एउटा छोरा यशवर्धन आहुजा र छोरी टिना आहुजा। गोविन्दाले यसै वर्ष छोरा यशवर्धनलाई फिल्ममा डेब्यू गर्न लागेको बताएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

रारामा पर्यटकीय पूर्वाधारमा लगानी गर्न माग

स्मारिका ढकाल र पुरु भण्डारीको अभिनयमा “ढाँटछेउ कतिलाई” सार्वजनिक

‘के वन क्रुस १७५’ प्रतियोगितामा भिड्दै ‘हिमचितुवा’