काठमाडौं– ‘२.० छड्के’ आउनुअघि अनमोल केसी ‘स्टार’का रुपमा कहलिएका थिए। नेपाली फिल्म उद्योगमा असाध्यै महंगो एक्टर पनि।
लभस्टोरी फिल्महरूबाट थुप्रै फ्यान फलोइङ कमाएका अनोमलले आफ्नो फिल्मी अरिअरमा कहिल्यै पछाडि फर्कनुपरेन। त्यसकै बलमा उनले सबैभन्दा धेरै पारिश्रमिक दाबी गर्ने सामर्थ्य पनि राखे। ‘२.० छड्के’मा अनमोलले ५० लाख पारिश्रमिक लिएको कुरा फिल्म उद्योगमा गसिप र चर्चाको कुरा थियो।
निगम श्रेष्ठ निर्देशित यो फिल्ममा अनमोलले फरक जोखिम पनि मोलेकै हुन्। उनी ग्याङको नाइकेको अवतारमा प्रस्तुत भएका थिए।
शुक्रबार यता फिल्मले हलमा यति कमजोर व्यापार गरिरहेको छ कि, ‘स्टार’ अनमोललाई हेर्न एउटा हलमा मुस्किलले २/४ जनामात्र पुग्छन्। त्यो पनि ‘झुर’ फिल्मको सज्ञा दिँदै अनुहार खुम्च्याउँदै बाहिर निस्कन्छन्।
‘होस्टेल’, जेरी, ड्रिम्स, गाजलु हुँदै ‘ए मेरो हजुर ३’सम्म आइपुग्दा दर्जन फिल्म खेलेका अनमोलको स्टारडम पहिलोपटक संकटमा परेको छ। सँगै प्रदर्शन भएको फिल्म ‘छक्का पञ्जा ४’ले २ दिनमै ३ करोड व्यापार गरेको हल्ला चलिरहँदा ‘२.० छड्के’ भने हलबाटै उत्रने अवस्थामा छ।
संकटमा परेको आफ्नो स्टारडमलाई फर्काउन कतिको सहज होला? त्यो भने आगामी दिनमा अनमोलले खेल्ने फिल्म र अभिनयले नै बताउँछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768212196.png)
-1768207138.png)
-1764146706.png)
