काठमाडौं– अभिनेता धर्मेन्द्र चाँडै वेब सिरिज ‘ताज’मा देखिँदैछन्।
उनले यो सिरिजबाट ओटीटीमा डेब्यु गर्दैछन्। वेब सिरिज ‘ताज’को ट्रेलर शनिबार सार्वजनिक भएको छ। जसमा धर्मेन्द्रको फरक अवतार देख्न सकिन्छ।
धर्मेन्द्र टिभी कार्यक्रमहरूमा अतिथिको रूपमा भाग लिने र आफ्ना फ्यानहरूसँग अन्तरक्रिया गर्न रुचाउँछन्। यसैबीच धर्मेन्द्रको एउटा भिडियो सार्वजनिक भएको छ, जसमा उनले अभिनेता सलमान खानलाई आफ्नो छोरा भनेका छन्।
‘बिग बोस’मा धर्मेन्द्र अतिथिको रुपमा आएका थिए। ‘अर्को सिजनमा फेरि तपाईं आउनु पर्छ,’ धर्मेलाई सलमानले भन्छन्। ‘म अवश्य आउँछु। किनकि म तिमीलाई प्रेम गर्छु, तिमी मेरो छोरा हौ। मैले भनेको थिएँ कि तिमी मतिर गएका छौ। तिमी खुशी रहनु छोरा,’ धर्मेन्द्रले भने।
धर्मेन्द्रको यो कुरा सुनेर सलमान खान हाँस्न थाल्छन्।
धर्मेन्द्र र सलमान खानको यो भिडियो सामाजिक सञ्जालमा भाइरल भइरहेको छ। उक्त भिडियोलाई सामाजिक सञ्जाल प्रयोगकर्ताले धेरैले मन पराएका छन्।
वेब सिरिज ‘ताज’ बाहेक धर्मेन्द्र फिल्म ‘‘रकी और रानी की प्रेम कहानी’ मा पनि देखिनेछन्। हालै फिल्मको छायांकन सकिएको छ। फिल्ममा रणवीर सिंह, आलिया भट्ट, जया बच्चन र शबाना आजमी मुख्य भूमिकामा छन्।
यो फिल्म यसै वर्ष हलमा रिलिज हुँदैछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
