झापा– जयन्द्रप्रसाद प्रसाईं साहित्य सेवा कोषले विभिन्न चार फरक विधाका प्रतिभालाई शनिबार नगदसहित सम्मान गरेको छ।
विर्तामोडमा संस्थाको २०औं वार्षिकोत्सवको अवसर पारेर वर्षोत्कृष्ट कृति, विष्णु पद्मचन्द्र विशेष प्रतिभा पुरस्कार, सक्रिय महिला पत्रकारिता पुरस्कार तथा फरक क्षमताको एकसहित चारवटा पुरस्कार प्रदान गरिएको हो।
जयन्द्रप्रसाद प्रसाईं उत्कृष्ट वर्षोत्कृष्ट कृति पुरस्कारबाट ‘महाभारा’ उपन्यासका स्रष्टा वसन्त बस्नेतलाई पुरस्कृत गरेको छ। विसं २०७८ मा प्रकाशित साहित्यिक कृतिमध्ये महाभारा कृतिलाई वर्षोत्कृष्ट कृतिका रूपमा पुरस्कृत गरिएको हो।
विष्णु पद्म चन्द्र प्रतिभा पुरस्कारबाट पूर्व प्राज्ञसभा सदस्य पत्रकार तथा चित्रकार पवन राजवंशी र धनमाया सक्रिय महिला पत्रकारिता पुरस्कारबाट सिर्जना घिमिरे पुरस्कृत भएका छन्।
पुरस्कृत कृतिकार तथा प्रतिभालाई जनही २५/२५ हजार राशिसहित साहित्यकार कोमल पोखरेलले सम्मान गरेको संस्थाका अध्यक्ष गोपीकृष्ण प्रसाईंले बताए।
त्यसैगरी कोष स्थापनाको २०औं वर्ष पुगेको अवसरमा स्थापना गरेको फरक क्षमता भएका व्यक्तिलाई प्रदान गरिने ११ हजारसहितको सम्मान चन्द्रप्रसाद भट्टराईलाई प्रदान गरिएको छ।
विसं २०५९ मा स्थापना भएको जयन्द्रप्रसाद प्रसाईं साहित्य सेवा कोषले प्रत्येक वर्ष वर्षोत्कृष्ट कृति, विष्णुचन्द्र पद्मा सम्मान, धनमाया सक्रिय पत्रकारिता पुरस्कार वितरण गर्दै आएको अध्यक्ष प्रसाईंको कार्यक्रममा जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
