काठमाडौं– नवनियुक्त ३ जना कुलपतिहरुले पद तथा गोपनीयताको सपथ लिएका छन्। बिहीबार बिहान बालुबाटारमा प्रधानमन्त्री पुष्पकमल दाहाल ‘प्रचण्ड’ले नवनियुक्त ३ जना कुलपतिहरुलाई पद तथा गोपनियताको सपथ गराएका हुन्।
यसरी सपथ ग्रहण गर्नेहरुमा नेपाल सङ्गीत तथा नाट्य प्रज्ञा–प्रतिष्ठानका कुलपति निशा शर्मा, नेपाल प्रज्ञा प्रतिष्ठानका कुलपति भूपाल राई, नेपाल ललितकला प्रज्ञा–प्रतिष्ठानका कुलपति नारदमणी हार्तम्छाली छन्।
सो अवसरमा प्रधानमन्त्रीले उनीहरुलाई बधाई तथा सफल कार्यकालको शुभकामना दिएका थिए। सपथ ग्रहणका क्रममा संस्कृति, पर्यटन तथा नागरिक उड्डयनमन्त्री सुदन किराती पनि उपस्थित थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
