काठमाडौं– कियारा आडवाणी र सिद्धार्थ मल्होत्राले फेब्रुअरी ७ मा विवाह गर्दैछन्।
फेब्रुअरी ७ मा जैसलमेर नजिकैको सूर्यगढ प्यालेसमा उनीहरूले विवाह गर्दैछन्। कियाराको मिल्ने साथी तथा मुकेश अम्बानीकी छोरी ईशा पनि विवाहमा सहभागी हुन पुगेकी छन्। विवाहपछि कियारा र सिद्धार्थ करोडौंको नयाँ घरमा बस्नेछन्।
रिपोर्टका अनुसार बिहेपछि कियारा र सिद्धार्थ मुम्बईको समुन्द्र किनारमा बनेको आलिशान घरमा सिफ्ट हुनेछन्। सिद्धार्थ मल्होत्रालाई जुहूको बीचको बंगला मन परेको छ। करिब ३ हजार ५ सय स्क्वायर फिटमा बनेको यो घरको लागत करिब ७० करोड रुपैयाँ छ। यो बजेटमा ‘विक्की डोनर’ जस्ता १२ फिल्म बनाउन सकिन्छ।
विक्की डोनर फिल्मको बजेट मात्र ५ करोड थियो। यद्यपि, सिद्धार्थले अहिलेसम्म यो बंगला फाइनल गरेका छैनन्, तर उनले यो सम्झौतालाई फाइनल गर्न सक्ने अनुमान गरिएको छ। यदि यस्तो भयो भने, विवाहपछि यो जोडी यो आलिशान बंगलामा बस्नेछन्।
कियारा आडवाणी र सिद्धार्थ मल्होत्रा पहिलो पटक ५ वर्ष पहिले २०१८मा फिल्म 'लस्ट स्टोरी' को र्याप-अप पार्टीमा भेटेका थिए। यो भेटपछि मात्रै यी दुवैको घनिष्ठता बढ्न थाल्यो। त्यसपछि दुवैले सँगै फिल्म ‘शेरशाह’ गरे। यो फिल्मको सुटिङका क्रममा यी दुई नजिकिएका थिए। २०१९को नयाँ वर्षमा, दुवै छुट्टीको आनन्द लिन दक्षिण अफ्रिका गए।
कफी विथ करणमा पुगेका सिद्धार्थ मल्होत्राले आफ्नो फोनमा कियारा आडवाणीको नम्बर ‘की’ नामले सेभ गरेको खुलासा गरेका छन्।
यति मात्र होइन, सिद्धार्थले आफूले सधैं स्पीड डायलमा कियाराको नम्बर राखेको पनि बताए। ‘शेरशाह’मा काम गरेपछि अब कियारा–सिद्धार्थ फेरि एकपटक सँगै काम गर्न लागेका छन्।
दुवैले फिल्म ‘अदल बदल’ साइन गरेका छन्, जसमा उनीहरू रोमान्टिक जोडीको रुपमा देखिनेछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791212224.jpg)
-1786602170.png)
-1791090469.jpeg)
