मुम्बई- केही दिनदेखि एउटा तस्बिर भाइरल भइरहेको छ। जुन तस्बिरले बलिउड स्टार शाहरुख खानका छोरा आर्यन खान स्टार नृत्यंगना नोरा फतेहीको प्रेममा रहेको चर्चाको आगोमा घ्यू थपेको छ।
एउटा प्रशंसकले नोरा र आर्यनसँगको तस्बिर सार्वजनिक गरेकी छिन्। जहाँ उनी एउटै पहिरनमा उस्तै ठाउँमा दुवैसँग देखिएकी छिन्। आर्यन र नोरा डेट गरिरहेको अवस्थामा ती फ्यानले सेल्फी लिएको जस्तो देखिएको छ।
उनीहरु रातिको समयमा एउटै स्थानमा रहेको त्यो फोटोले गर्दा उनीहरुको सम्बन्धलाई लिएर चर्चा बढेको हो। यही फोटोका कारण उनीहरु एक-अर्कासँग समय व्यतित गरिरहेको अनुमान गर्दै बलिउडमा गसिप सुरु भएको छ। उक्त विषयमा दुवैले मुख भने खोलिसकेका छैनन्।
नृत्यका कारण बलिउडमा मात्रै होइन, अन्तर्राष्ट्रिय स्तरमै नोराको लोकप्रियता बढ्दो छ। केही दिनअघि सम्पन्न विश्वकप फुटबलको फाइनलमासमेत नोराले आफ्नो प्रस्तुति दिएकी थिइन्।
आर्यन भने बलिउडमा डेब्यू गर्ने तयारी गरिरहेका छन्। उनी पिता शाहरुख जस्तै हिरोका रुपमाभन्दा पनि निर्देशन र लेखनमा आफूलाई परख्न चाहिरहेको बताउँछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
